Мәдениет және спорт министрлігі мәдениет және өнер департаментінің бастығы аса ірі көлемде ақша жымқырды деген күдікпен ұсталды. Қазір сыбайлас жемқорлыққа қарсы қызмет сотқа дейінгі тергеу жұмысын бастап кеткен.
Департамент басшысы, негізінен, көрсетілген қызмет актілеріне қол қою және кинематографияны мемлекет тарапынан қаржыландыру үшін ірі көлемдегі ақшаны аудару арқылы жымқыру фактісімен айыпталып жатыр. Оған мемлекет қаржысын ысырап етті деген айып тағылып отыр.
Қазір тергеу жалғасып жатқандықтан, сыбайлас жемқорлыққа қарсы қызмет өзге ақпарат таратпағанын айта кету керек.
Сонымен қатар бұған дейін 400 млн теңгені ысырап жасады деген күдікке ілінген министрліктің спорт және дене шынықтыру істері комитеті басшысының бұрынғы және қазіргі орынбасары ұсталды.
Соңғы кезде басынан дау арылмай тұрған Мәдениет және спорт министрлігі бұл айыптауларға қатысты әзірге ешқандай мәлімдеме жасаған жоқ.
Байланысты жаналықтар
MalimBlocks
