Қанша адамның өмірін құтқарып қалғанымыз маңызды - Украинаға көмек туралы

Айшолпан КЕРІМ

  • 29.03.2022

Қазақстан азаматтары Украина халқына көмек ретінде екі апта ішінде екі миллион доллардан аса қаражат жинаған. Бұл туралы Украинаға гуманитарлық көмек есебі бойынша өткен баспасөз конференциясында айтылды.

Ерікті Рахымбек Әбдірахманов қиын жағдайда қалған Украина халқы үшін ел азаматтары лезде ақша жинап бергенін айтады. Оның сөзінше қазір қаражат жинау уақытша тоқтатылған, алайда бірнеше күн ішінде ізгі азаматтар шотқа шамамен 500 мың теңге жинап үлгерген.

Әбдірахманов Украинаға көмек акциясы Ресей-Украина арасындағы соғыс ақталғанша жалғасатынын айтып, осы жолғы акция есебін бөлісті.

“Астана бойынша алты мың адам 51 миллион теңге жинап берді. Оның 36 миллионы елшілікке табысталды, ал 13,5 миллионына қажетті заттар сатып алынды. Қосымша келіп түскен 500 мың теңгені жақын күндері елшілік шотына аударамыз”, - дейді ол.

Алматы қаласы бойынша жалпы сомасы 131 миллион теңге жиналған. Бұл туралы қайырымдылық акциясының Алматы қаласы бойынша жауаптысы Тоғжан Қожалы есеп беріп, ел арасында оларды жемқор деп атап, арандатуға ұмтылғандар көп болғанын айтты.

“Алматы бойынша 131 миллион теңге жиналды, 75 миллион теңге қажетті тауар алуға жұмсалды. Осыған дейін Украинаға Алматыдан ұшақпен 2 рет жүк жіберілді және астанадан жөнелтілген гуманитарлық көмекпен бірге бір рет тағы жіберілді. Осы орайда Алматы әуежайына алғыс білдіргім келеді, мұндай тәжірбие бәрімізде бірінші рет және бұл - өте игі іс.

Десе де бізді қаралауға тырысып, желіде жемқордеп бас салып жатқандар көп, барлық есеп қолымызда тұр”, - дейді ол.

Алматыдағы қайырымдылық акциясына 500 ерікті жұмылдырылған, оның ішінде 20 адам күнделікті тұрақты жұмыс негізінде еңбек еткен.

“Kaspi шотымызға 11 мың адам аударым жасаған. Бізді көбі сол аударым жасау арқылы қаражат жинағанымыз үшін сынға алды. Бірақ экономист ретінде мұның еш әбестігі жоқ екенін, қажет кезде кез келген анық есепті шығарып алуға болатынын айта аламын. Тырнақ астынан кір іздеуді қою керек. Көмекті қалай жинағанымыз емес, Украинада қиналып жатқан қанша адамның өмірін құтқара алғанымыз маңыздырақ деп ойлаймын. Оның үсітне бұған дейін ресми елшіліктің көмек қоры болды, соғыс басталғалы Украинаға көмек бергісі келгендер көп болғанымен, қалай, кімге жүгініп көмек жіберерін білмеді. Елшілік шотына 100-150 теңге аударып болса да, көмектесуге ниет еткендер көп. Көмек осылай құралады. Бұл тұста банк қосымшасы арқылы аударым жасау жұмысты біраз жеңілдетті”, - дейді Әбдірахманов.

Алайда көп ұзамай еріктілер банк қосымшасының “Қайырымдылық” бөлімінен ресми шот аша алған. 

“Енді қаражат Kaspi қосымшасының қайырымдылық бөлімі арқылы жиналады. Осы үшін де банк басшылығына алғыс білдіреміз. Украина халқына көмек көрсету әлі де жалғасады. Слава Украине”, - деп түйіндеді Қожалы.

Айта кетейік, Ресей-Украина қақтығысы басталғалы Қазақстан азаматтары гуманитарлық көмек жіберіп, дәрі-дәрмек, киім-кешек пен азық-түлік арқылы және қаржылай қолдау көрсетіп жатыр. Күні кеше Алматыдан тағы бір ұшақпен 17,5 тонна жүк тиелген көмек жөнелтілді.

"2022 жылдың 28 наурызында Қазақстан Республикасы Төтенше жағдайлар министрлігі Алматы қаласынан Польшаның Катовице қаласына Украина азаматтарына гуманитарлық көмектің кезекті партиясын жеткізу үшін арнайы рейсті ұйымдастырды.

Жалпы салмағы 17,5 тонна болатын жүк төсек-орын және тамақ сияқты қажетті заттарды қамтиды. Бұған дейін Қазақстан жалпы салмағы 28,2 тонна болатын 17 түрлі дәрі-дәрмек – антибиотиктер, қабынуға қарсы, жөтелге қарсы және антигипертензивті препараттар түрінде гуманитарлық көмек жіберген болатын. Көрсетілген көмек Украина тарапының өтініші негізінде Мемлекет басшысының бұған дейін берген тапсырмасына сәйкес жүзеге асырылды", - делінген ТЖМ хабарламасында.

Байланысты жаналықтар

Аятжан Ахметжан: Министр Бейсембаев сынаған адамын ата жауы санайды

22.07.2024

Нұрбай Кеңесбекұлы: Ұлттық ұлан патриот жастарды шыңдайтын құрылым

30.06.2024

Төрехан Майбас: Бізді осы күнге алып келген - қазақшылығымыз!

28.06.2024

Тіл корпустарын әзірлеу және жетілдіру ісі – аса маңызды тарихи-мәдени іс-шара

27.06.2024

Аңсаған Мұстафа: Ұлттық нақыштағы киім ұлттық сананың оянуына себеп

25.06.2024

Аякөз Еркінбекқызы: Жастарға Қазанғап, Әлшекей, Ақбала күйлерін саф күйінде жеткізгіміз келеді

24.06.2024
MalimBlocks
Аятжан Ахметжан: Министр Бейсембаев сынаған адамын ата жауы санайды

Министрлік ол  шешімнің күшін  жойып, мектепке құжат қабылдайтын уақытты 1-қыркүйекке дейін созды

Нұрбай Кеңесбекұлы: Ұлттық ұлан патриот жастарды шыңдайтын құрылым

«Жас бүркіт» деп аталатын 7 спорттық әскери-патриоттық клубы жұмыс істейді

Төрехан Майбас: Бізді осы күнге алып келген - қазақшылығымыз!

Тәңіріміз сыйлаған құтымыздың Иесі болуымыз керек!

Тіл корпустарын әзірлеу және жетілдіру ісі – аса маңызды тарихи-мәдени іс-шара

Қазақ тілінің корпус қорын арттыру, ішкі функцияларын жетілдіру ғылыми тұрғыдан да, тіл болашағы тұрғысынан да өте маңызды әрі өзекті.

Аңсаған Мұстафа: Ұлттық нақыштағы киім ұлттық сананың оянуына себеп

Ұлттық нақышты киім-кешекке принт түрінде түсіріп, ұлттық сананы жаңғырту жолдарын іздеген дарынды суретші, ұлт жанашыры Аңсаған Мұстафамен әңгімелесудің сәті түсті.

Аякөз Еркінбекқызы: Жастарға Қазанғап, Әлшекей, Ақбала күйлерін саф күйінде жеткізгіміз келеді

Ақбала Жаңқабылұлы мен Шағдар Ақылбековтың есімдері қалың көпшілікке таныс емес