Қаңтар айында төтенше жағдай болған аймақтан 97 мәйіт шығарылған
Құтқарушыларға бір айдың ішінде жарты миллионнан астам шақырту түскен.
Биыл қаңтар айында «112» бірыңғай кезекшілік-диспетчерлік қызметіне 527,6 мың қоңырау түскен. Finprom мәліметінше, бұл көрсеткіш былтырғыдан 11,6%-ға аз.
Өрт сөндіру және авариялық-құтқару жұмыстары қызметі мен Республикалық жедел-құтқару жасағы осы жылдың бірінші айында 1,1 мың адамды құтқарған. 1,6 мың адамды эвакуациялап, 14 адамға алғашқы медициналық көмек көрсеткен. Сондай-ақ, төтенше жағдай болған аймақтан 97 адамның денесі шығарылған.
«Шұғыл көмекке 4,3 мың, авариялық-құтқару жұмысы – 1,4 мың жағдай, 906 - өртке қатысты, 1,3 мың басқа да өрт оқиғасына қатысты шақырту болған. Ал көрінеу жалған шақырту - 13, расталмаған өрт фактісі – 307», - деп жазды Finprom.
Фото: ашық дереккөзден
MalimBlocks
Зауыттағы апат: Ерлан Нығматулин өндіріс нысанын қандай ақшаға салды?
Өткен аптаның соңында Қарағанды YDD Corporation ферроқорытпа зауытында қайғылы жағдай орын алды. Өндіріс орнындағы №1 пеш өртеніп, сегіз жұмысшы зардап шеккен. Өкінішке қарай, 25-шілде күні алған жарақаты салдарынан екі адам қайтыс болды.
