«KSG Agro» агрохолдингі Қазақстанда шошқа өсіретін украин-швейцариялық кешен салуды жоспарлауда. Бұл жөнінде холдинг директорлар кеңесінің төрағасы Сергей Касьянов мәлімдеді.
Сергей Касьяновтың сөзінше, Қазақстанда шошқа өсіріп Қытай, Оңтүстік Корея және Вьетнамға эксорпттау өте қолайлы. Оның үстіне африкалық шошқа обасы ауру жоқ.
«Қазақстан үкіметі жобаға қызығушылық танытып отыр. Бірақ бұндай жобаны нөлден бастап жүзеге асыратын адам жоқ», - дейді Касьянов.
Касьяновтың айтуынша, кешен жылына 200 мың бас шошқа өсіруді және комплекс аумағында комбикорм зауыты жұмыс істейтін болады.
Бұған дейін, Ақтөбе облысында дәл осы шошқа фермасына байланысты дау шыққан. Халық наразылығынан кейін аты шулы «Парижская коммуна-ХХІ» фермасына сот шешімімен 7,5 миллиард теңге айыппұл салынып, жабылуға шешім шығарылған. Бірақ БАҚ мәліметінше, ферма бұның барлығына қарамастан жұмыс істеуін жалғастыруда. Егер «KSG Agro» агрохолдигі жоспарлап отырған шошқа кешені ашылатын болса, онда Қазақстанда әлі қанша шошқа дауы болатынын болжаудың өзі қиын.
Байланысты жаналықтар
MalimBlocks
