2020 жылғы 11 айдың қорытындысы бойынша фармацевтикалық өнеркәсіп өндірісінің көлемі 39,5 пайызға өсті. Осы көрсеткіш арқылы «Химфарм» АҚ-ның өндірісі 2 есе, «Дольче» ЖШС өндірісі 18 пайызға және «Абди Ибрагим глобал фарм» компаниясының өндірісі 62 пайызға өскен.
«СҚ-Фармация» ауруханаларда аса қажетті дәрі-дәрмектің екі айлық қоры жинақтаған. Азаматтарға КВИ бойынша ПТР тестіден өту бағасы екі есе арзандаған.
Өткен жылдың тағы бір жаңалығы биологиялық қауіпсіздік проблемалары ғылыми-зерттеу институтының ғалымдары коронавирусқа қарсы QazCovid-in вакцинасын ойлап тапқан. Осы вакцинаның алғашқы екі сынағы сәтті өтті. 2020 жылғы 19 желтоқсанда вакцина сынағының үшінші кезеңі басталды.
Ал Жамбыл облысының Қордай ауданының аумағында коронавирусқа қарсы вакцина зауыты салынып жатыр. 2021 жылғы наурыз айында алғашқы вакциналар дайын болады. Зауыт 30 миллионнан 60 миллионға дейін вакцина әзірлеуге қауқарлы. Сонымен қатар Алматы, Қызылорда, Қостанай, Өскемен, Шымкент, Көкшетау мен басқа да қалаларда 70-ке жуық тігін кәсіпорны маска тігіп жатыр. Бұл кәсіпорындар күніне 700 мыңдай маска тігеді.
Байланысты жаналықтар
MalimBlocks
