Оқушыны дамытудың ең бір тиімді жолы – шыңдау. Шыңдаудың түрі көп, соның ішіндегіолардың өз білімдерін тексеріп, өзгелермен салыстыра отырып, деңгейін анықтауға мүмкіндік берудің бір долы – олимпиада. Қазіргі уақытта интернет желілерінің дамуы мен түрлі заманауи құрылғылардың пайда болуы олимпиада өткізуді әлдеқайда жеңілдетті. Сол себепті, елімізде соңғы кездері дәстүрлі сайыстардан бөлек, онлайн форматтағы олимпиадалар да жиі өтіп тұрады.
Жалпы, білім беру мен оны насихаттаудың, оқушыларға жақсы мүмкіндік жасау, оқу жолдарын жетілдіру және жеңілдету мәселесі «Білімді ұлт» сапалы білім беру» ұлттық жобасында да айтылған. Сондықтан, біз айтып отырған олимпиадаларға осы қырынан да қарауға болады. Айталық, сіз бір жарысқа қатысу үшін соншама жол жүресіз. Кейбір ата-аналардың оған мүмкіндігі болмауы да ғажап емес, оның сыртында оқушы соншама уақыт жол жүрген соң шаршайды, мазасызданады. Топты ортада өз білгенінен жаңылып жататындар да жоқ емес. Сондықтан, ең оңтайлы жолы, қалай айтсаңыз да, онлайн формат. Короновирус пандемиясы келгенде онлайн форматты меңгермеген елдердің қанһлай қыслғаны әлі есте. Сондықтан, бұл кез келген жағдайға дайын болуға да көмектесетінін қосымша ақпар ретінде айта кетуге де болады.
Биыл 18-21 сәуір айында еліміздегі 3 қала мен 17 аймақта 9 пән бойынша қоғамдық-гуманитарлық бағытта республикалық олимпиаданың қорытынды кезеңі болады. Сайыс интелектуалды классикалық олимпиадалық тапсырмалар негізінде екі турда өтеді. Тапсырмаларды олимпиадаға қатысушы оқушылар онлайн форматта тапсырады.
Конкурстың әділдігі мен ашықтығын, адал өтуін сақтау мақсатында «Дарын» республикалық ғылыми-практикалық орталығының сайты тікелей эфир жүргізіп отырады. Сонымен қатар, аталған олимпиаданы қадағалау мен жүргізу барысында барлық аймақтарға Қазақстан Республикасының Оқу-ағарту министрлігінен жауапты қызметкерлер келеді. Олимпиаданың барысы мен қорытындысы туралы мәліметтер «Дарын» республикалық ғылыми-практикалық орталығының сайтында жарияланатын болады.
Сонымен қатар, «1 компьютер-оқушы-камера» ережесі бойынша өткен олимпиаданың мектептік кезеңінде 282 000 астам оқушы қатысты. Олимпиаданың қорытынды кезеңіне 730 оқушы жолдама алды. Қоғамдық-гуманитарлық бағыттағы тоғыз пәннен республикалық жарыстың қорытынды кезеңіне барлығы 25 команда қатысады.
Олимпиада қорытындысына сәйкес барлық оқушыларға тиісті жүлделері мен дипломдарын және бағалы сыйлықтарын табыстайтын болады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
