Қостанайда бұрынғы жеке сот орындаушы 6 млн теңге ұрлаған
Бұл қаражат - борышкерлердің әкімшілік айыппұлдары мен басқа да қарыздары бойынша жұмыс орнынан ұсталған сома.
Қостанай облысының прокуратурасы тексеру барысында бұрынғы жеке сот орындаушының мемлекет пен өзге де азаматтардың пайдасына өндірілген ақшаны ұрлау схемасын анықтады.
«Бұрынғы жеке сот орындаушыны лицензиясынан айырғаннан кейін 6 млн теңгеден астам ақшаны өндіріп алушыларға берудің орнына жеке шотына аударған», - делінген хабарламада.
Бұл қаражат - борышкерлердің әкімшілік айыппұлдары мен басқа да қарыздары бойынша жұмыс орнынан ұсталған сома.
Осы факт бойынша ҚР Қылмыстық кодексінің 190-бабы 2-бөлігі бойынша сотқа дейінгі тергеу басталды.
Фото: ашық дереккөз
