Салықтан босату қаулысы жарияланды

Malim Админ

  • 20.04.2020

Сәуірдің басынан бері айтылып келген жеңілдетілген салықтар мен әлеуметтік төлемдерге қатысты бүгін үкімет арнайы қаулы қабылдады.

2020 жылғы 20 сәуірдегі үкіметтің № 224 қаулысы бойынша, енді кәсіпкерлер төлейтін салықтың көлемін «0»-ге теңеседі. Бұрын-соңды болмаған бұл жеңілдік төтенше жағдай мен карантин қыспағынан кәсіпкерлерді құтқару үшін мемлекет басшысының жарлығымен арнайы қабылданып отыр.

Сонымен, № 224 қаулының не көздейтінін қысқаша шолып шығайық.

Біріншіден, биылғы 1 сәуірден 1 қазанға дейін шағын және орта бизнес субъектілері салықтан және еңбекақы төлеу қорынан алынатын әлеуметтік төлемдерден (жеке табыс салығы, әлеуметтік салық, міндетті зейнетақы жарналары, міндетті медициналық сақтандыру және әлеуметтік аударымдар) босатылды.

Сауда, қоғамдық тамақтандыру, қонақ үй нысандары, көлік және консультациялық қызмет көрсету және ІТ саласын қосқандағы қызмет түрлерінің толық тізімі осы қаулының 1 қосымшасына сәйкес бекітілген. Бұдан басқа биылғы 1 сәуірден 1 шілдеге дейін жекелеген ірі кәсіпкерлік субъектілері жеңілдіктерді қолдану үшін зардап шеккен салалар бойынша қызмет түрлерінің тізбесі анықталды.

Екіншіден, әуе қатынасы саласында инфрақұрылымды қолдау және жұмыс орнын сақтау мақсатында ұшулар тоқтатылған кезеңде ынталандыру шаралары қабылданды: барлық әуежайлар 1 сәуірден 1 қазанға дейін мүлік салығынан босатылып, жыл соңына дейін әуе кемелеріне техникалық қызмет көрсету және лизингтік мәмілелерді заңдық сүйемелдеу бойынша бейрезиденттер үшін қосылған құн салығын төлеу ұзартылды.

Үшіншіден, осы жылдың 1 қазанына дейін жеке практикамен айналысатын тұлғалар (нотариустар, адвокаттар, сот орындаушылар, медиаторлар) мүлік салығынан босатылды. Бұдан бұрын ірі сауда нысандары, сауда ойын-сауық орталықтары, кинозалдар, театрлар, көрмелер, спорттық нысандар, сондай-ақ қоғамдық тамақтандыру, қонақ үй, туристік қызмет нысандары жылдың соңына дейін мүлік салығынан босатылған болатын.

Төртіншіден, індетке қарсы іс-шараларға жұмылдырылған жұмыскерлер барлық салық түрлерінен және еңбекақы төлеу қорының әлеуметтік төлемдерінен босатылды.

Бесіншіден, салық төлеушілерге қолайлы болу үшін 2019 жылғы салықтық міндеттемелер есебі нысанын тапсыру мерзімі 2020 жылғы 31 наурыздан 2020 жылғы 31 мамырға ауыстырылды.

Байланысты жаналықтар

Қазақстандық блогерлер салық төлей бастады

19.05.2025

«Адам құқығы қайда қалды, депутат мырза?!»: Дана Нұржігіт Ардақ Назаровтың ұсынысына қарсы шықты

05.05.2025

Елімізде қанша адамның жалақысы 3 млн теңгеден көп?

01.05.2025

Депутат ажырасқандарға салықты көбейтуді ұсынды

30.04.2025

Мәжіліс Салық кодексі жобасын екінші оқылымда қабылдады

30.04.2025

Салық қызметкерлері азаматтардың табыс тарихын зерттей бастады

28.04.2025
MalimBlocks
Қазақстандық блогерлер салық төлей бастады

«Адам құқығы қайда қалды, депутат мырза?!»: Дана Нұржігіт Ардақ Назаровтың ұсынысына қарсы шықты

Ардақ Назаров ажырасқан адамдарға арнайы жарна төлетуді ұсынған

Елімізде қанша адамның жалақысы 3 млн теңгеден көп?

Депутат ажырасқандарға салықты көбейтуді ұсынды

Мәжіліс Салық кодексі жобасын екінші оқылымда қабылдады

Салық қызметкерлері азаматтардың табыс тарихын зерттей бастады