«Scat» әуе компаниясы жалға алған аңшылық алқап мемлекетке қайтарылды
Авиакомпания жер учаскесін пайдаланғаны үшін бюджетке салық төлемеген.
Түркістан облысының прокурорлары «SCAT» әуе компаниясы» АҚ заңсыз пайдаланған 4400 гектар аңшылық алқапты мемлекет меншігіне қайтарды.
«13.12.2019 жылы облыс әкімдігі аңшылық шаруашылығын жүргізу үшін жерді беру туралы қаулы шығарған. Осы актінің негізінде Табиғи ресурстар басқармасы және «SCAT авиакомпаниясы» АҚ-ы арасында 20 жыл мерзімге аңшылық алқабын (4 400 га) жалға беру шарты жасалған. Шарттың 3-тармағына сәйкес пайдаланушы салық заңнамасында белгіленген тәртіппен жерге төлемді уақтылы енгізуге міндетті болған (Салық кодексінің 588-бабы 3-тармағының 3-тармақшасы)», - делінген хабарламада.
Прокуратура мәліметінше, авиакомпания шарт жасалған сәттен бастап жер учаскесін пайдаланғаны үшін бюджетке салық төлемеген.
Прокурорлық қадағалау актісі негізінде бұйрық шығарылып (21.02.2024 ж. №20), шартты бұзу жолымен аңшылық алқап мемлекет кірісіне қайтару жөнінде шаралар қабылданды.
ФОТО: pixabay
Байланысты жаналықтар
MalimBlocks
