Су тасқынынан қорғау жұмыстары қалай жүргізіледі?

Malim Админ

  • 28.11.2023

Су ресурстары және ирригация министрі Нұржан Нұржігітов Шығыс Қазақстан облысы мен Абай облысына жұмыс сапарымен барып, гидротехникалық құрылыстардың жай-күйімен танысты.

Жұмыс сапарының бірінші күні министр «Қазсушар» РМК Шығыс Қазақстан филиалының басшылығымен кездесу өткізді, оған жергілікті облыс әкімдігінің өкілдері де қатысты. Нұржан Нұржігітов министрліктің жүргізіп жатқан жұмысы, атап айтқанда жергілікті бассейндік инспекция штабы 20 адамға артқанын айтты. Бұл өңірдегі су объектілерін бақылауды күшейтуге мүмкіндік береді.

Сонымен қатар, министр Тарбағатай ауданындағы «Қандысу» су қоймасы мен Зайсан ауданындағы «Үйдене» су қоймасын жөндеуді бастау бойынша жұмысты жеделдетуді, сондай-ақ екі аудандағы ирригациялық жүйелерді жаңғыртуды тапсырды. Былтыр «Қандысу» су қоймасында объектінің техникалық жай-күйіне көп факторлы тексеру жүргізілді, ал өткен аптада «Үйдене» су қоймасында осындай көп факторлы тексеру жүргізуге шарт жасалды, одан кейін жобалау-сметалық құжаттама жасалады.

Сондай-ақ, Нұржан Нұржігітов көлік, экология және ауыл шаруашылығы министрліктерімен бірлесіп су қоймаларынан Ертіс өзеніне кеме қатынасы үшін су жіберуді реттеу және ретке келтіру қажеттігін атап өтті. Сонымен қатар, министр әріптестерімен «Қазсушар» РМК-ның Абай облысындағы филиалын ашу мүмкіндігін талқылады.

Келесі күні делегация ШҚО Самар ауданындағы Лайлы су қоймасының бөгетіне барды. Нысан күрделі жөндеуді қажет етеді. Нұржан Нұржігітов жергілікті тұрғындардың қауіпсіздігін қамтамасыз ету үшін нысанды реконструкциялап қана қоймай, оны жақын маңдағы елді мекендерді ықтимал су тасқыны туралы ескертетін дабыл жүйесімен жабдықтау қажеттігін мәлімдеді.

Әрі қарай министр нысанның жай-күйін жеке бағалау үшін «Қандысу» су қоймасына барып, оны жөндеуді бастау бойынша жұмысты жеделдету қажеттігін тағы да еске салды. Осыдан кейін Нұржан Нұржігітов 2016 жылы су деңгейін көтеру мақсатында құрылысы басталған, бірақ жобалаудағы қателіктерге байланысты аяқталмаған Қарғыба өзеніндегі тірек-реттеу құрылыстарын қарап шықты. Қазіргі уақытта жобалау-сметалық құжаттамаға түзету енгізіліп жатыр. Министр бұл бағыттағы жұмысты жеделдетуді тапсырды. Сондай-ақ, Қарғыба өзенінің бойында 11 иесіз канал анықталды, оның 5-і коммуналдық меншікке берілді, ал оларды жөндеуге жобалық-сметалық құжаттама әзірленіп жатыр. Министр барлық қажетті құжаттар дайын болғаннан кейін арналарды қайта құруға көмектесуге дайын екенін білдірді.

Жұмыс сапарының соңғы күні Нұржан Нұржігітов Абай облысының Үржар ауданындағы құрылысы аяқталмаған «Қарақол» су қоймасына барды.

«Су қоймасы 63 шаруа қожалығын сумен қамтамасыз етуге және 6,5 мың гектардан астам ауылшаруашылық жерлерін суармалы сумен қамтамасыз етуге қауқарлы, сондықтан жобаны іске асыру өңір халқы үшін өте маңызды. Жергілікті тұрғындардың айтуынша, шетелдік инвесторлар су қоймасында гидроэлектростанция салуға дайын, алайда бұл үшін негізгі міндет — «Қарақол» су қоймасының құрылысын толық аяқтауға көңіл бөлу қажет, — деді ҚР Су ресурстары және ирригация министрі.

Министрдің жұмыс сапарының соңғы нүктесі Чар су қоймасы болды. Нұржан Нұржігітов онда жүргізіліп жатқан қалпына келтіру жұмыстарының барысымен танысты.

Байланысты жаналықтар

Көктемде қай өңірлерде су тасқыны болуы мүмкін?

20.02.2024

Ақтөбедегі су тасқыны. Қаратал ауылында жағдай қауіпті 

17.03.2023

Түркиядағы су тасқынынан бірнеше адам қаза тапты  

16.03.2023

Түркістанда бүгін де өзен суы көтеріледі

03.02.2023

Түркістанда су тасқыны жалғасып жатыр

02.02.2023
MalimBlocks
Көктемде қай өңірлерде су тасқыны болуы мүмкін?

Қардың көп еруіне байланысты су тасқыны қаупі бар

Ақтөбедегі су тасқыны. Қаратал ауылында жағдай қауіпті 

Тасқын су бөгетті бұзып өткен

Түркиядағы су тасқынынан бірнеше адам қаза тапты  

Жоғалғандарды іздеу жұмыстары жүргізіліп жатыр

Түркістанда бүгін де өзен суы көтеріледі

Ауа температурасы жоғарылап, қар қарқынды ериді

Түркістанда су тасқыны жалғасып жатыр

11 автомобиль жолының 23 учаскесін су басып қалды