Су тасқынынан зардап шеккен Ақтөбе тұрғындарына өтемақы төленеді
Ақтөбеде көктемгі су тасқынынан зардап шеккен отбасыларға келесі аптада өтемақы беріледі. Бұл туралы қала әкімі Асхат Шахаров айтты.
Бірақ құжаты жоқ үй иелері өтемақы алмайды. Әкім халыққа құжаты реттеу керек екенін айтқанын жеткізді. Ақтөбеде көктемгі су тасқыны кезінде 140-тан астам үй зақымданған. Оның 22-інде жылжымайтын мүлік құжаты жоқ.
Белгіленген қаражат жөндеу жұмыстарына беріледі. Әкім сөзінше, 100 мың теңгеден бастап, 4 миллион теңгеге дейін үлестіру қарастырылған. Қала әкімі шығындарды ашық түрде көрсететінін айтты.