Еңбек және халықты әлеуметтік қорғау министрі Серік Шәпкенов доллардың қымбаттауы мен инфляцияға байланысты қазақстандықтардың жалақысы өсе ме деген сұраққа жауап берді. Министр қазақстандықтардың табысын арттыру мәселесі мемлекет басшысының тікелей тапсырмасы екенін атап өтті.
"Қазір министрлік жергілікті атқарушы органдармен, кәсіпорындармен жұмыс істеп жатыр. Кімнің айлығы медиандық жалақыдан төмен екеніне талдау жүргізіп жатырмыз. Елімізде медиандық жалақы - 157 мың теңге. Жұмыс берушілер өз қызметкерлерінің мұң-мұқтажын түсініп, қолдау көрсетуі керек", - деді Шәпкенов.
Шәпкеновтің сөзінше, ведомство осы мәселеге қатысты ұлттық экономика министрлігімен бірлесіп жұмыс істеп жатыр.
Айта кетейік, Ресей мен Украина арасындағы қақтығысқа байланысты теңге бағамы төмендеп кетті. 2 наурыздағы Қазақстан қор биржасынының мәліметіне сәйкес, доллардың орташа бағамы 492,21 теңге болды.
Байланысты жаналықтар
MalimBlocks
