Президент Қасым-Жомарт Тоқаев “Россия 24” арнасына берген сұхбатында қаңтар оқиғасы кезінде Ұжымдық қауіпсіздік шарт ұйымының шектеулі контингенті бірде-бір оқ атпағанын мәлімдеді.
"Ресейде кейбір адамдар бұл жағдайды бұрмалап, Ресей Қазақстанды "құтқарды", енді Қазақстан Ресейге мәңгі қызмет етіп, аяғына бас июі керек деп жатыр. Ондай пайымдаулардың ешбір негізі жоқ деп ойлаймын, шындыққа да сәйкес келмейді", - деді ол.
Президент жағдайды саясатқа араластырып, өсек-аяң таратқандарды сынға алды.
"Сондықтан бұл жағдайды саясатқа айналдырудың қажеті жоқ деп ойлаймын. Ойдан бірдеңе шығарып, өсек-аяң таратпаған жөн. Сосын біз шектеулі контингент кіргізгенде олар күштік іс-әрекеттерге қатыспайды деп келістік. Ұжымдық қауіпсіздік шарт ұйымының әскерилері шынымен де бірде-бір оқ атқан жоқ", - деп атап өтті Тоқаев.
Мемлекет басшысы ҰҚШҰ шектеулі контингентін жіберу арқылы ұйымға мүше мемлекеттер өз бірлігін көрсетті деп есептейтінін де айта кетті.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
