Қарағанды қаласының шенеуніктері тергеу изоляторын аралады. Бұндай экскурсия жемқорлықтың алдын алу үшін ұйымдастырылыпты. Бұл туралы аймақтағы Malim.kz тілшісі хабарлайды.
Қарағандыда басқарма бастықтарын АК 159/5 тергеу изоляторына экскурсияға алып барды. Мұнда "пара алып жаза бассаңдар, көретін жерлерің осы" деген мақсат бар. Шенеуніктерді түрмемен таныстыру шарасын Сыбайлас жемқорлыққа қарсы департаменті ұйымдастырған екен. Ұйымдастырушылар "қылмыс жасап темір торға қамалғандардың тұрып жатқан орнын көрудің өзі кез келген шенеунікке ой салуы тиіс" деген пікірде. Айта кету керек, мұндай жоба Қарағанды облысында алғаш рет ұйымдастырылып отыр. Тергеу изоляторының мамандары "түрмеге келген қонақтарға" сотталушылардың жатын орындарын, кітапхана, тергеу жүргізетін кабинеттерді, төбесі темір тормен қоршалған айыпталушылардың қыдыруға шығатын алаңдарын көрсетіп таныстырды. Экскурсиядан алған әсерлерімен бөлісуге аса құлық таныта қоймаған, шенеуніктер бұл жердің үрей туғызатынын жасырмады.
Мұндай шараның өңірде өткізіліп отырғаны да тегін емес екені анық. Өйткені Қарағанды аймағында ірі көлемде пара алып, темір торға түскен шенеуніктер аз емес.
Арайлым ЕРКЕБАЕВА
Фотоны автор ұсынды.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
