1 жылда елімізде ұн бағасы 45 пайызға дейін қымбаттаған.
Еnergyprom.kz дерегінше, осы жылдың қаңтар-қыркүйегінде елімізде 2,3 млн тонна ұн өндірілді. Өндірістің жартысынан көбі Қостанай мен Солтүстік Қазақстан облыстарына, сонымен қатар Шымкент қаласына тиесілі.
Еліміздің ұн тартатын кәсіпорындары ішкі нарықты өніммен толықтай қамтамасыз етіп отыр. Сонымен қатар қаңтар-тамыз аралығында олар ұн экспортын 28,3 пайызға арттырып, 1,1 млн тоннаға жеткізді.
Алайда, ішкі нарықта ұн сату бірден 22,2 пайызға, 838,8 мың тоннаға дейін қысқарып отыр. Ал өткен жылы 3,6 пайыз өсім байқалған еді. Өткен жылмен салыстырғанда осы жылдың қаңтар-тамыздында бидай немесе бидай-қарабидай ұнының экспорттық бағасы бірден 41,6 пайызға қымбаттап кеткен.
Биылғы қазан айының қорытындысында ішкі нарықта тұтынушыларға арналған ұнның бағасы жыл басынан бері 41,3 пайызға және 2021 жылдың қазанымен салыстырғанда 44,3 пайызға қымбаттады. 2022 жылдың қазан айында жоғары сұрыпты бидай ұнының бөлшек саудадағы бағасы 1 келісі үшін 369 теңгені, бірінші сұрыпты ұн 245 теңге болды.
Қазақстан қалалары арасында жоғары сұрыпты бидай ұнының ең қымбат Астанада (1 келісі 447 теңге), Ақтауда (411) және Шымкентте (406), ал ең арзаны Ақтөбеде (279 теңге), Павлодарда (292), Жезқазғанда (296) және Семейде (296) тіркелген.
Бірінші сұрыпты бидай ұнының бір келісіне ең жоғары баға Ақтауда (335 теңге), Алматыда (306) және Астанада (298), ең төмені Петропавлда (145 теңге), Қарағандыда (184) және Павлодарда (186).
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
