"Заңдағы нормалар халықаралық конвенцияға сәйкеседі"

Malim Админ

  • 20.05.2020

Қазақстан заңгерлер одағының төрағасы Серік Ақылбай бейбiт жиналыстарды ұйымдастыру және өткізу тәртібі туралы заңға қатысты пікір білдірді.

«Жалпы, бұл заң біраз талқыланды, яғни қоғамдық талқылау көп болды. Әрине, бұрынғы құжатқа қарағанда қазіргі заң айтарлықтай ілгерілеуді байқатып отыр. Осы орайда бұл бағытта жасалған қадамдарды толықтай қолдаймын. Себебі «Азаматтар туралы пакті» деген халықаралық құжат бар, сонда адамдардың құқықтары толықтай сақталуы тиістігі көрсетілген. Біздің Конституцияда да оның барлығы ескерілген», - деді С. Ақылбай.

Бұл тұрғыда ол «Қазақстан Республикасында бейбiт жиналыстарды ұйымдастыру және өткізу тәртібі туралы» Заңы бұрынғы заңнамаға қарағанда елеулі түзетулерді қамтығанын атап өтті. Бейбіт жиналыстарды өткізу тәртібі нақтыланғанына тоқталған С. Ақылбай: «Осы орайда өзінің пікірін айтушылардың құқығын ғана емес, жалпы қоғамның құқығы сақталуы керек. Мысалы, митингіге қатыспайтын басқа адамдардың, автобусқа отырған жолаушылардың, көшеде серуендеп жүргендердің құқығы бұзылмауы тиіс. Сондықтан осы заңда бұл мәселеге қатысты дұрыс шешім қабылданған», - деді.

Сонымен қатар Қазақстан заңгерлер одағының төрағасы аталған құжатта митинг, жиналыс, демонстрация мен шеруге қатысты нақты сипаттама берілгенін тілге тиек етті. «Қазіргі уақытта біз цифрлық технологияны кеңінен пайдаланып келеміз. Бейбіт жиналыстарды ұйымдастыру мен өткiзу үшiн белгіленген арнайы орындарда онлайн режимде көрсететін құралдар болады, бұқаралық ақпарат құралдарының өкілдері келеді. Жиналыста айтылған мәселенің барлығын тікелей эфирден көру мүмкіндігі жасалады. Яғни, халықтың құқығы толықтай халықаралық конвенцияға сәйкес сақталған. Сондықтан бұл заңды өте дұрыс құжат деп санаймын», - деді Серік Ақылбай.

Еске сала кетейік, биыл 14 мамырда ҚР Парламентінің Сенаты «Қазақстан Республикасында бейбiт жиналыстарды ұйымдастыру және өткізу тәртібі туралы» Қазақстан Республикасы Заңы жобасына бірқатар түзету енгізді. Ал бүгін Парламент Мәжілісінің жалпы отырысында депутаттар «ҚР-да бейбіт жиналыстарды ұйымдастыру және өткізу тәртібі туралы» заң жобасына Сенат енгізген өзгерістер мен толықтыруларды қолдап, дауыс берді.

Дереккөз: inform.kz

 

Байланысты жаналықтар

Ажар Гиният, верните мои деньги! – алматинец обратился к министру здравоохранения

11.08.2022

Петропавлдағы полиция өлімі: Әйелі күдікке ілінді

26.05.2022

Цой Pfizer-дің мамырда елге әкелінбей қалғанына кім кінәлі екенін айтпады

23.07.2021

Ashyq жобасы  - Kaspi.kz қосымшасында

03.06.2021

«Өзіміз де шығара аламыз» - Қазақстанда электр генераторлары қарқынды шығарылып жатыр

04.07.2022

Тоқаевтың аузына қараған жұрт қалаға кіре алмай тұр

11.05.2020
MalimBlocks
Ажар Гиният, верните мои деньги! – алматинец обратился к министру здравоохранения

Алматинец Евгений Мухамеджанов, известный в Казахстане реализацией экологических проектов, обратился к министру здравоохранения с требованием прекратить функционирование ОСМС.

Петропавлдағы полиция өлімі: Әйелі күдікке ілінді

Кеше Петропавлда полиция инспекторының өлі денесі табылды. Ақпаратты қалалық Ішкі істер басқармасы растады.

Цой Pfizer-дің мамырда елге әкелінбей қалғанына кім кінәлі екенін айтпады

Ashyq жобасы  - Kaspi.kz қосымшасында

«Өзіміз де шығара аламыз» - Қазақстанда электр генераторлары қарқынды шығарылып жатыр

Қазақстанда ғалым Жанболат Мұзбаев 2013 жылы алғаш рет жел генераторларын жасап көреді. Ғалым мен оның қызметкерлері 9 жылда жеткен жетістіктері туралы сөз етеміз.

Тоқаевтың аузына қараған жұрт қалаға кіре алмай тұр