Бұрынғы үкімет жетекшісі Асқар Мамин Өзбекстанда төбе көрсетті

Асқар Мамин Қазақстан хоккейшілерін Ташкентте марапаттады

  • 13.04.2023

Өткен жылғы қаңтар оқиғасы талай шенеуніктің саяси қызметіне нүкте қойып, биліктен аластатып жібергені елдің есінде. Олардың қатарында ұзақ жылдар бойы ықпалды лауазымдарды атқарып, түкірігі жерге түспейтін шенділер де бар. Мысалы, мәжілістің экс-спикері  Нұрлан Нығматулин, үкімет басшысы болған Асқар Маминді жұрт қаңтар оқиғасынан кейін тек бір-екі рет көргені болмаса, ұмытып кеткендей.

Жылдан астам уақыт бойы «көлеңкеде» жүрген Асқар Маминді кеше көзі қарақты жұрт Өзбекстаннан жүргенін білді. Ташкенттегі мұз сарайының бірінде марапат тапсырған Маминді ол жаққа ненің құдіреті айдап барғаны да бірден белгілі болды. Хоккейден Қазақстан чемпионатының маусым жабар ойыны ала шапанды ағайындардың елінде өтіп, оған Қазақстан хоккей федерациясының президенті Асқар Мамин арнайы барса керек. Онымен бірге Өзбекстанның өзге де шенеуніктері Ташкенттегі ел чемпионатының жабылуына арнайы қатысқан көрінеді.

Асқар Мамин басқарған Үкімет былтыр қаңтар оқиғасының бел ортасында тарап, орнына Әлихан Смайылов жайғасқан еді. Ал Мамин сол кеткеннен кейін ешқандай лауазымды қызметке тағайындалмады. Тек Қазақстанды отыз жылға жуық басқарған Нұрсұлтан Назарбаевпен Астанадағы үлкен мешіттің ашылу салтанатында қара көрсетті.

Одан кейін елордадағы мейрамханалардың бірінде мәжілістің бұрынғы төрағасы Нұрлан Нығматулин, президент аппаратының басшысы болған Әділбек Жақсыбеков пен Асқар Мамин отырған сурет әлеуметтік желіні кезіп кеткен еді. Осыдан кейін ел арасында тараған қауесеттен шоршып түскен Мамин бірден ақталып, БАҚ беттерінде түсініктемесін жариялаған. «Туысымның баласының сырға салу рәсімінде отырған едік» деген Мамин сол кеткеннен мол кетті.

Хоккейден Қазақстан чемпионатының жабылу рәсімін неліктен Ташкентте өткізгені әзірге белгісіз. Бұл туралы федерацияның баспасөз қызметі жарытып ақпарат таратпады. Ал жария болған сурет арқылы Асқар Мамин жұртқа мүбәрак жүзін бір көрсетіп, «қуғын-сүргіннен» аман екеніне көз жеткізгендей әсер қалдырды...

Байланысты жаналықтар

Ауылға бөлінген қаржы игерілмейді

25.07.2023

Жоғары оқу орындары заңды жекешелендірілді ме?

17.07.2023

Коммуналдық тарифтың бағасы өседі 

12.07.2023

Түрмеде отырған Қайрат Сатыбалды Нұрсұлтан Назарбаевқа резиденция сыйлады

20.06.2023

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

17.01.2023

Назарбаевтарды қудалау басталды ма? – «Болаттың базарын» басқарғандарды іздеп жатыр

16.01.2023
MalimBlocks
Ауылға бөлінген қаржы игерілмейді

Елімізде әкімдіктер «Ауыл - ел бесігі» жобасына бөлінген бюджет қаражатын тиімсіз пайдалануда,- деді үкімет отырысында Әлихан Смайылов.

Жоғары оқу орындары заңды жекешелендірілді ме?

Үкімет басшысы жоғары білім саласындағы бұрын жеке меншікке өткен кейбір активтерді мемлекет меншігіне қайтару мәселесін талқылады.

Коммуналдық тарифтың бағасы өседі 

Биыл тұрғындар үшін тарифтер 10%-дан 30%-ға дейін өседі.

Түрмеде отырған Қайрат Сатыбалды Нұрсұлтан Назарбаевқа резиденция сыйлады

Түрмеде отырған Қайрат Сатыбалды ағасы Нұрсұлтан Назарбаевқа Үшқоңырдағы резиденциясын сыйға тартты.  

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

Бюджеттен ақшаның кешігіп түсу себебін отырыста баяндама жасаған Қуантыровтан да бір сұрай салуы керек пе еді...

Назарбаевтарды қудалау басталды ма? – «Болаттың базарын» басқарғандарды іздеп жатыр

Жұрт "Болаттың базары" атап кеткен "Алтын Орда" базарының түпкі иесі Болат Назарбаев екенін былтыр көктемде ресми түрде хабарланған.