Дохадағы әлем чемпионаты: Ұлттық құрама үшін әзірге нәтиже жоқ

Бұған дейінгі үш күнде күрескен балуандардың нәтижесі аса мәз емес

Malim Админ

  • 10.05.2023

Қатарда дзюдодан өтіп жатқан әлем чемпионатының төртінші жарыс күнінде Қазақстан құрамасынан әйелдер арасында 63 келіге дейінгі салмақта Эсмигүл Куюлова мен ерлерден 81 келіде Абылайхан Жұбаназар күресті.

Айтулы жарыстың бел ортасынан асса да Ұлттық құрама балуандары әзірге жүлдеге қол жеткізе алмай келеді. Бүгін татамиге алғаш болып шыққан Эсмигүл алғашқы халықаралық дзюдо қауымдастығы құрамасы атынан сынға түскен Ресей спортшысы Камила Бадуровадан ұтылды. 

Ал Абылайхан Жұбаназар ә дегеннен жарысты жақсы бастады. Бірінші белдесуде ол Португалия өкілі Жоао Фернандоны таза ұтқан еді. Алайда екінші айналымда өзі «иппонға» түсіп қалып, бразилиялық Эдуардо Юди Сантосқа жол беруге мәжбүр болды.

«Бүгін португалиялық қарсыласымнан есемді қайтардым, алдында одан жеңілген едім. Ал екінші кездесуге келер болсақ, басымдық менің жағымда болды. Қарсыластың екі «шидосы» барын көріп, екі рет шабуыл жасадым. Үшінші ескерту алсын деген мақсатпен тағы алға ұмтылдым. Бірақ қателік жіберіп қойдым. Тым асығып кеттім. Жанкүйерлерден кешірім сұраймын», - деді Абылайхан Жұбаназар.  

Бұған дейінгі үш күнде күрескен балуандардың нәтижесі аса мәз емес. Олардың арасында ең үздік нәтиже әйелдер құрамасының мүшесі Абиба Әбужақынова тиесілі. 48 келіде күрескен отандасымыз қола жүлде үшін күресіп, әлем біріншілігін бесінші орынмен аяқтады. Ал Олимпиада Ойындарының екі дүркін жүлдегері Елдос Сметов іріктеу кезеңдерінде өзбек спортшысынан таза ұтылды.

Ертең әлем чемпионатында тағы екі балуанымыз татамиге шығады. Олардың қатарында әйелдер арасында Анастасия Маякова (70 кг) күрессе, ерлерден Дидар Хамза (81 кг) өз шеберлігін тағы көрсететін болады.

Байланысты жаналықтар

Дзюдодан әлем чемпионатының екінші күнінде қазақ балуандарының барлығы жеңіліп қалды

20.05.2024

Олимпиадада жүлде алған тұңғыш қазақ қызы болғым келеді – Абиба Әбужақынова

20.05.2024

«Қазақша айтасыз ба, түсінбей жатырмын». Қазақстандық дзюдошы сұрақты қазақша қоюды сұрады

12.05.2024

Қазақ қызы Ғалия Тынбаева Астанадағы халықаралық жарыста чемпион атанды

10.05.2024

Татами шеберлерін таразыласақ...

26.03.2021
MalimBlocks
Дзюдодан әлем чемпионатының екінші күнінде қазақ балуандарының барлығы жеңіліп қалды

Қазақстандық бес балуан жарысты бірінші белдесуден аяқтады.

Олимпиадада жүлде алған тұңғыш қазақ қызы болғым келеді – Абиба Әбужақынова

Абиба Әбужақынова Абу-Дабиде өткен әлем чемпионатында қола жүлдеге ие болды.

«Қазақша айтасыз ба, түсінбей жатырмын». Қазақстандық дзюдошы сұрақты қазақша қоюды сұрады

Ол Qazaqstan Barysy Grand Slam турнирінде қола жүлдегер атанды

Қазақ қызы Ғалия Тынбаева Астанадағы халықаралық жарыста чемпион атанды

Бүгін Астанада Жақсылық Үшкемпіров атындағы жекпе-жек сарайында дзюдодан Qazaqstan Barysy Grand Slam басталды.

Татами шеберлерін таразыласақ...