Ел күткен ЕУРО-2024: Қай құрама жеңіске жетеді?

Бұл бәсекенің бұрынғы чемпионаттардан ерекшелігі қандай? 

Олжас Қасым

  • 14.06.2024

4 жылда бір келетін ЕУРО 2024 аламаны бүгін шымылдығын түреді. Астана уақыты бойынша 23:40-та құрлықтық дода Германия мен Шотландия кездесуімен ашылмақ. Футбол жанкүйерлері алда өтетін ойындарда кім жеңеді деген сұраққа қызу талқы жүргізіп, түрлі болжамдар  айтып жатыр.

Malim.kz маңызды матчтар алдында футбол сарапшыларын сөзге тартып, пікір-пайымын біліп көрді.

Белгілі футбол комментаторы, сарапшы Ермұхамед Мәулен Еуропа чемпионатында Франция ұлттық құрамасы чемпион болады деп топшылайды.

Оның пікірше, Дидье Дешам шәкірттеріне қарсы тұрар қайратты команда жоқтың қасы. 

«Бұл құрама сапында Килиан Мбаппе, Антуан Гризманн, Ольвье Жиру сияқты әлемдік футбол жұлдыздары бар. Олар биыл бұрынғы қарқынынан да мықты, күшейіп алды десе де болады. Екінші құрамының өзінде сайдың тасындай, алдындағысын жапырып өтетін ойыншылар жетерлік. Сондықтан, Франция финалда ойнайтыны анық. Қазір футбол сарапшылары «Франция ақтық кезеңде кіммен ойнайды?»  деген сұрақты алға тартып отыр. Биылғы фавориттер сапынан алаң қожайыны – Германияны көремін, Англия да  жақсы ойын өрнегін көрсетеді. Испания да оңай шағылар жаңғақ емес. Бұл құрамда жалындап тұрған жастар көп.   

Төртжылдықтың басты додасының Германия сынды футбол тарихында орны бар елде өтуінің өзі ойнның бәсі жоғары болатынын аңғартады. Бұл бәсекенің бұрынғы чемпионаттардан ерекшелігі қандай? 

Құрлықтық дода елдің 10 шаһарында болады. Олардың қатарында Берлин, Кельн, Дортмунд, Дюссельдорф, Франкфурт, Гельзенкирхен, Гамбург, Лейпциг, Мюнхен және Штутгарт қалалары бар. Бір ерекшелігі – чемпионат дамыған мемлекетте өткелі жатыр, соңғы, заманауи, озық технологиялар қолданылады. Бұл доп додасын ауқымды фестиваль деп те айтсақ жарасады. 

Төртжылдықтың басты бәсекесіне алғаш рет қатысқалы отырған командалар да бар. Мысалы, Сербия мен Грузия 53 құрама қатысқан іріктеу кезеңдерінен өтіп, айтулы жарысқа шығып отыр. Сондай-ақ бұған дейін сегіз жылдай Еуропа біріншілігінен сырт қалған түркиялықтар және Украина ойынға қайта қосылды.  Осы жолы Украина жартылай финалға шығуы керек.

Чемпионаттың теңбіл добы Connected Ball технологиясымен әзірленген.

Чиптелген, «смарт» доп, бұл. Ол VAR жұмысын жақсартуға және деректерді дәл ұсынуға мүмкіндік жасайды. Яғни, осыған қарап төрешілер оның қақпаға кірген-кірмегені, футболшының допқа қолы тиген-тимегені бәрін де оңай анықтайды. Бұрынғыдай VAR видеобақылау жүйесіне жүгініп, уақыт кетірмейді. Сонымен қатар, командаларға қосымша берілетін уақыт 4 минуттан аспайды. Біріншіліктің ерекшелігі сонда», - дейді Е.Мәулен.

Бүгіннен бастап шілде айының 14-не дейін Еуропа біріншілігін «Qazaqstan» және  «Qazsport» арналары көрерменге тікелей эфирде ұсынады. Ойындарға комментаторлық ететін спорт журналистерінің арасында Уәлихан Қосанбай да бар.

«Еуропаның үздік құрамалар кездесуін бір ай бойы 16 комментатор жүргізеді.  Құрлықты додада 24 команданың 51 кездесуі өтеді. Біздің негізгі міндетіміз – матчтарға тыңғылықты әзірленіп, құрамалардың ойынын дұрыс сараптап, артық-кем тұстарын көрерменге жеткізу. Бұл ретте жанкүйерлер де барынша белсенді болып, өздерінің сүйікті құрамаларына қолдау көрсетсе...» - дейді ол.  

Футболдан Еуропа біріншілігінің ашылу салтанаты бүгін «Qazsport» телеарнасынан көрсетіледі.

Басталу уақыты - 23:40-та.

Ал чемпионат шеңберіндегі матчтарды Ұлттық арна мен Qazsport-тан тамашалай аласыз.

Айта кетейік, Еуропа чемпионаты 1960 жылдан бері өткізіліп келеді.  

Фото: ru.uefa.com

Байланысты жаналықтар

Этникалық қазақтарға 55 «Ата жолы» картасы берілді

22.07.2024

Қазақстанда УЕФА Конгресі өтуі мүмкін

17.07.2024

Америка кубогында алаңнан кеткен Месси көз жасына ерік берді

15.07.2024

Еуро-2024 чемпионаты: Испания құрамасы жеңіске жетті

15.07.2024

Бүгін Еуро-2024 чемпионатының финалында Испания мен Англия ойнайды

14.07.2024

Шотландияда 65 кит жағаға шығып, қырылып қалды

13.07.2024
MalimBlocks
Этникалық қазақтарға 55 «Ата жолы» картасы берілді

Олар 15 елден келді: Ресей, Қытай, Ауғанстан, Моңғолия, АҚШ, Австрия, Израиль, Германия, Түркия, Өзбекстан, Қырғызстан, Нидерланд, Финляндия, Франция және Түрікменстан.

Қазақстанда УЕФА Конгресі өтуі мүмкін

Әділет Барменқұлов УЕФА шақыртуымен Еуропа чемпионатының финалына қатысты

Америка кубогында алаңнан кеткен Месси көз жасына ерік берді

Еуро-2024 чемпионаты: Испания құрамасы жеңіске жетті

Еуропа чемпионатын тарихта төртінші рет (1964, 2008, 2012, 2024) жеңіп алды.

Бүгін Еуро-2024 чемпионатының финалында Испания мен Англия ойнайды

Екі құрама ойыншылары түгел дайын

Шотландияда 65 кит жағаға шығып, қырылып қалды

Мамандар түрлі себебін келтірген