Семей қаласында «Абай Арена» стадионының атын өзгерту туралы семейлік белсенділер ұсыныс айтып, ол ұсыныс қоғамда біраз дау тудырған еді. Азаттық радиосының хабарлауынша, Бастамашыл топ Қарағайлы шағын ауданындағы көшеге және "Абай Арена" стадионына (қазақ ақыны Абай Құнанбаевтың құрметіне қойылған) елдің бұрынғы президенті Нұрсұлтан Назарбаевтың есімін беруді сұраған.
Осыған байланысты Тұңғыш президент Н. Назарбаевтың баспасөз хатшысы экс-президенттің осы ұсынысқа қатысты пікірін твиттер парақшасы арқылы жеткізді.
«Әлеуметтік желілер мен БАҚ-та ШҚО белсенділерінің «Абай-Арена» стадионының атауын өзгерту туралы ұсыныстары талқылануда. Елбасы әрдайым өзіне қатысты мұндай «құрмет-қошеметке» қарсы. Н. Назарбаевтың пікірінше, стадион қазақтың ұлы ақыны әрі философының атында қалуы тиіс», - деді Айдос Үкібай.
Байланысты жаналықтар
MalimBlocks
