Жастар күніне арналған ұлттық онкүндіктің алғашқы күні 256 тонна қоқыс жиналды, деп хабарлайды Malim.kz.
Мәдениет және ақпарат министрлігінің хабарлауынша, «Таза Қазақстан» экологиялық акциясы мен жастар күніне арналған ұлттық онкүндік басталды. Ел бойынша 13 500 белсенді жас саябақтарды, өзендер мен көлдер жағасын, сондай-ақ тарихи-мәдени нысандардың аумақтарын тазалауға және абаттандыруға қатысты.
Жұмылған жастар жалпы 600 гектарға жуық аумақты тазалап, 256 тонна қоқыс жинады. Атырау облысында акцияға қатысушылар 3 мыңға жуық балық шабағын құтқарып, Жайық өзеніне жіберді, деп жазылған ресми мәлімдемеде.
Естеріңізге сала кетейік, биыл Қазақстанда Жастар күні 10 күн аталып өтеді. Онкүндіктің әр күнінің өз тақырыбы бар. Мәселен, 4 тамыз – өзін-өзі дамытуға, көшбасшылыққа және кәсіби дамуға ынталандыру күні.
Фото: Мәдениет және ақпарат министрлігі
