Париж-2024 Олимпиадасында дзюдодан сынға түсіп жатқан жерлесіміз Елдос Сметов 1 айналымда қарсыласынан басым түсіп, келесі кезеңге өтті, деп хабарлайды Malim.kz.
Ол 60 келі салмақта белдескен болатын. Қарсыласы Нидерланд өкілі Торнике Чкадуамен өткен тартысты белдесуде екеуі де ұпай ала алмады. Белдесу соңында төрешілердің басым даусымен қазақстандық балуан жеңімпаз деп танылды.
Халықаралық дәрежедегі спорт шебері. Рио де Жанейрода өткен ХХХІ жазғы Олимпиадасының күміс жүлдегері, Әлем чемпионы (Астана, 2015 жыл), Жастар арасындағы Әлем Чемпионы (2010 жыл), Азия Чемпионы (Ташкент, 2016 жыл), Халықаралық «Grand Prix» турнирінің үш дүркін жеңімпазы, Жастар арасындағы Азия чемпионатының қола жүлдегері (Бангкок, 2013 жыл), Азия ойындарының жеңімпазы (Инчхон, 2014 жыл). Ал 2020 жылғы Токио Олимпиадасында қола медаль жеңіп алды.
Халықаралық Дзюдо федерациясының 2024 жылдың маусымында бекіткен тізім бойынша 60 келі салмақ дәрежесінде әлемдік рейтингте 22 орында тұр.
Бүгін Қазақстан атынан тағы кімдер жарысқа қатысатынын мына сілтемеде көруге болады.
Фото: vesti.kz
Байланысты жаналықтар
MalimBlocks
