ҚАДІР ТҮНІН ҮЙДЕ ӨТКІЗУ ТУРАЛЫ ҚМДБ ҮНДЕУІ

Malim Админ

  • 18.05.2020

Қадірлі жамағат!

Өздеріңіз көз жеткізіп отырғандай, елімізде төтенше жағдай мерзімі аяқталғанымен, жұқпалы індеттің қаупі толық сейілген жоқ. Бұл – карантин режимінің талаптарына бағынып, сақтық шараларына аса мән беруіміз қажет деген сөз.

Қазақстан мұсылмандары діни басқармасы Бас санитарлық дәрігердің карантиндік режимнің кезеңдік талаптарын сақтау бойынша қаулысын негізге алып және қазіргі жағдайды ескере келе, жамағатпен оқылатын бес уақыт, жұма, тарауық намаздарына қатысты қойған уақытша шектеуді өз күшінде қалдырды.

Коронавирустық инфекцияның таралуына жол бермеу жөніндегі жедел штабтың қаулысына сәйкес осындай шешім қабылданды. Ал жамағатпен оқылатын намаздардың мерзімін алдағы уақытта қосымша хабарлаймыз.

Құрметті қауым!

Биылғы Рамазанның қасиетті Қадір кеші мамыр айының 19-нан 20-на қараған түнге сәйкес келіп отыр. 19 мамырда мешіт таңғы сағат 07:00 мен кешкі 20:00 аралығында жұмыс істейтін болады. Осы ретте баршаңызды Қадір кешін өз үйлеріңізде өткізу қажеттігін қаперлеріңізге саламыз. Тәртіпке бағынуды сұраймыз. Бұл – сіз бен біздің, өз отбасымыз бен ең жақын туыстарымыздың денсаулығы мен өмірінің игілігі үшін қабылданған шешім. Осы Үндеуге түсіністік танытып, карантин талаптарын сақтайсыздар деген сенімдеміз.

Қадірлі отандастар!

Қазақстан мұсылмандары діни басқармасы қасиетті Қадір кешінде Құран хатым дұғасын, уағыз-насихат пен пайдалы дәрістерді онлайн режимде өткізеді. Үйде отырып, онлайн режимде дұғаға қатысып, насихат тыңдауға толық мүмкіндік бар.

Осы ретте барша қауымды қасиетті Қадір түнінде Түркістан облысындағы тасқын судан зардап шеккен жерлестерімізге дұға жасауға үндейміз.

Жаратқан Жаббар Иеміз жер бетінен жұқпалы індетті жойып, жақсылықта жүздесуді нәсіп еткей. Әмин!

Байланысты жаналықтар

Құрбан айттың алғашқы күнінде қанша мал сойылды

17.06.2024

16 маусым: ҚМДБ Құрбан айт қашан басталатынын айтты

07.06.2024

Меккеде 2 666 доллар айыппұл салады: ҚМДБ маңызды мәлімдеме жасады

05.06.2024

«Әмин» деп дауыстап айтқаны үшін ұрған: Мешіт имамы оқиғаның қалай болғанын айтты

15.05.2024

ҚМДБ Шымкенттегі мешітте болған төбелеске қатысты мәлімдеме жасады

14.05.2024

«VIP нөмірінің өзі 5000 доллар»: Таразда қымбат көлік мінген имам сынға ұшырады

26.04.2024
MalimBlocks
Құрбан айттың алғашқы күнінде қанша мал сойылды

Оның ішінде: қой – 17 327, ешкі – 1 597, ірі қара – 1 307, түйе – 5.

16 маусым: ҚМДБ Құрбан айт қашан басталатынын айтты

Бүгін һижри жыл санауы бойынша зул-хижжа айы басталды.

Меккеде 2 666 доллар айыппұл салады: ҚМДБ маңызды мәлімдеме жасады

Келушілер қажылық тәртібін бұзып, парызын рұқсатсыз өтемеуі қажет.

«Әмин» деп дауыстап айтқаны үшін ұрған: Мешіт имамы оқиғаның қалай болғанын айтты

Оқиға 12 мамыр күні кешкі 19:00 шамасында болған.

ҚМДБ Шымкенттегі мешітте болған төбелеске қатысты мәлімдеме жасады

Намаз бен діни рәсімдер Әбу Ханифа мәзһабы бойынша орындалады.

«VIP нөмірінің өзі 5000 доллар»: Таразда қымбат көлік мінген имам сынға ұшырады

ҚМДБ видеодағы дін қызметкерінің «әл-Әділ» мешітінің имамы екенін растағанымен, көлік имамдыкі емес екенін мәлімдеді.