Қазақстандық спортшылар Парижде алтын ала ма? Головкин жауап берді
Головкин бәрі психологиялық жағдайға байланысты екенін айтады.
Геннадий Головкин Los Angeles Times басылымына сұхбат беріп, қазақстандық спортшылардың Париж олимпиадасындағы мүмкіндіктеріне баға берді, деп хабарлайды Malim.kz.
Геннадий Париж-2024-те жүлде болатынын айтып сендірді. Бірақ алтын медаль ең алдымен тағдырдың жазуы дегенді алға тартты.
Әрине, мен елімнің әрбір спортшысы үшін жауаптымын. Оларға сәттілік тілеп, өзіне деген сенімділікті жоғалтпауды сұраймын. Біздің құрама – өте мықты ұжым. Спортшыларымыздың медаль алып, чемпион атануы үшін шеберлігі жеткілікті. Психологиялық жағдай мен дайындық деңгейіне көп нәрсе байланысты. Әрі олимпиада алтыны шеберліктен гөрі, тағдырдың жазуы дер едім.
Шамамыз жеткенше шабыттандыруға тырысамыз. Қысқа уақыттың ішінде нағыз ұйымшыл команда бола аламыз деп ойлаймын, - деді Головкин.
