Рамзан Қадыровтың ұлы «Ахмат» футбол клубының президенті атанды
Ол екі күн бұрын министр лауазымын иеленген.
Шешенстан басшысы Рамзан Қадыровтың үлкен ұлы Ахмат Қадыров Грозный қаласының «Ахмат» клубының президенті атанды, деп хабарлайды Malim.kz.
Ол екі күн бұрын Дене шынықтыру және спорт министрі лауазымына тағайындалған болатын.
«Ахмат» футбол клубының жаңа президенті болып Шешен Республикасының дене шынықтыру және спорт министрі Ахмат Қадыров тағайындалды. Ахмат Рамзанұлының басшылығымен команданы жаңа жетістіктер, жеңістер мен жақсы нәтижелер күтетініне сенімдіміз, - делінген спорт клубы таратқан ақпаратта.
Клубтың вице-президенттерінің бірі болып Дене шынықтыру және спорт министрінің бірінші орынбасары Омар Даудов бекітілді.
Айта кетейік, 5 сәуірде Қазақстан ұлттық құрама командасының бас жаттықтырушысы Магомед Адиев «Ахмат» клубының бас бапкері болып тағайындалған еді.
Фото: championat.com
