Шенеуніктердің қазақ тілін қаншалықты білетіндері жаңа форматта анықталады. Бұл туралы Malim.kz сайты Мемлекеттік басқару Академиясына сілтеме беріп, хабарлайды.
Мемлекеттік басқару Академиясы қазақ тілін деңгей бойынша оқыту тұжырымдамасының негізіне сүйене отырып, «RESMI QAZTEST» деп аталатын қазақ тілінен тестілеудің жаңа форматын әзірлеген.
Алғаш рет іске қосылғалы отырған тест мемелекеттік қызметшілердің қазақ тілін меңгеру деңгейін анықтауға мүмкіндік береді.
«Қазақстан Республикасының білім беру мекемелерінде қазақ тілі балабақшадан бастап жоғары оқу орындарына дейін оқытылады, нормативтік құқықтық құжаттармен қамтамасыз етілген, ал, жоғары оқу орнынан кейінгі тілді кәсіби саланың бағытына бейімдеп оқыту нормативті-құқықтық тұрғыдан қарастырылмаған. Мемлекеттік қызметшілердің көпшілігі қазақ тілін ауызекі стилінде ғана қолданады, ресми стильдің жазылымы мен мәтін құрастыру техникасын, әдіс-тәсілдерін жоғары оқу орнында игермеген, көпшілік алдында сөз сөйлеудің стратегияларын қолданбайды», – дейді «RESMI QAZTEST» тестілеуін құрастырушылардың бірі, Мемлекеттік тілді оқыту кабинетінің меңгерушісі Нәзигүл Төленбергенова.
Ресмиқазтест әлемдік тәжірибелерді ескере отырып әзірленген және тыңдау, көпшілік алдында сөйлеу, ресми оқу, ресми жазу және CEFR сынды халықаралық тестілеу орталықтарының орфографиялық нормаларын қамтиды: базалық деңгей (В1, В2) және еркін деңгей (С, С2). Үміткердің қазақ тілін меңгеру құзыреттілігін анықтауға арналған «RESMI QAZTEST» тыңдалым, лексика-грамматика, жазылым, сұхбат бөлімдерінен тұрады.
14 шілде мен 31 шілде аралығында үміткерлер аталмыш тестті APA.TALANTIZ.KZ онлайн платформасында тапсырады. Оқуға қабылданған, алайда мемлекеттік тілді меңгеру дәрежесі B1-ден төмен болғандар Академияның қашықтан оқыту курстарынан немесе өзге тіл орталықтарының курстарынан өту арқылы оқу жылы басталғанға дейін өз деңгейлерін талап етілетін межеге дейін көтерулері қажет.
Байланысты жаналықтар
MalimBlocks
Депутат Қазбек Иса халықаралық құжаттың орыс тілінде жасалатынына наразы
Парламент мәжілісінің пленарлық отырысында депутат Қазбек Иса халықаралық құжатта орыс тілі қолданылатынана наразы болды. Ол Қазақстан мен Франция арасындағы келісім шарт қазақ, француз тілінен бөлек, не себепті орыс тілінде жасалғанын түсінбей дал. Бұған ашуланған Қазбек Иса мәжілістің мінберінде баяндама жасаған Энергетика министрі Алмасадам Сатқалиевке депутаттық сауал жолдады.