Қазақстан құрамасы 16-17 қараша күндері Астанада өтетін «Билли Джин Кинг Кубогының» плей-офф кезеңінде Корея Республикасымен кездеседі, деп хабарлайды Malim.kz.
Корея құрамасының капитаны Джунг Ба Ким теннисшілер құрамын жария етті: Да Ён Бак (WTA 331), Со Хен Пак (WTA жұптық 257), Ку Ён Ву (WTA 417) және Ким Дабин (WTA 331).
Ал Юрий Щукин бастаған Қазақстан құрамасының жаттықтырушылар штабы турнирге Елена Рыбакина, Зарина Дияс, Юлия Путинцева, Анна Данилина және Жібек Құламбаева қатысатынын мәлім еткен.
ITF-тің әлемдік командалық рейтингінде Қазақстан құрамасы 13-ші, ал Корея 32-орында тұр.
Іріктеу матчтары төрт жекелей және бір жұптық кездесуден тұрады және үш сеттен тұратын форматта өтеді. Жеңген команда 2025 жылдың сәуір айында өтетін әлем чемпионатының командалық квалификациясына жолдама алады.
Фото: ҚТФ
