Тоқаев Кирилл Герасименконы Қазақстанның абсолют чемпионы атағымен құттықтады

Президент Қасым-Жомарт Тоқаев Кирилл Герасименконы үстел теннисінен Қазақстанның абсолют чемпионы атағына ие болуымен құттықтады, - деп хабарлайды Malim.kz тілшісі. 

Бұл туралы спортшы Instagram-парақшасында бөлісті. 

"Бүгін Қазақстан Республикасының Президенті Қасым-Жомарт Тоқаев мені жеңісіммен және Қазақстанның абсолют чемпионы атағына ие болуыммен құттықтады. Бұл – мен үшін үлкен құрмет. Сондай-ақ, жанымда болып, маған сенім білдірген және қолдау көрсеткен барша жанға алғыс айтамын. Әсіресе, Қазақстанға дамуға жағдай жасап, ел намысын қорғау мүмкіндігін бергені үшін ризашылығымды білдіремін", – деп жазды спортшы.

Герасименко Мемлекет басшысы қол қойған құттықтау хатының мәтінін де жариялады.

Спортшы Алматыда өткен үстел теннисінен Қазақстан чемпионатында үш алтын медаль жеңіп алып, 2025 жылдың абсолют чемпионы атанды. Ол барлық санат бойынша үздік нәтиже көрсетті.

Фото: ҰОК