Айтыскер ақын Балғынбек ИМАШ айтыстағы әріптестерімен қоғамдағы мәселелерді ай сайын instagram.com әлеуметтік желісінде сынауға ықыласты екен. Бұл туралы айтыскер әлеуметтік желіде жазды.
Балғынбек былтыр Алматыда өткен шығармашылық кешінде Жандарбек БҰЛҒАҚОВ екеуі "Хәйләйлім" мақамын эстрадаға салып сахнаға шықпақшы болған екен. Алайда цензурадан өтпей қалыпты.
«Негізі, билікке, қоғамға сын айту - дұшпандық пиғылдан емес, жанашырлықтан, достықтан ғой. Кейде тұспалдап айтсаң түсінбей, астарлап айтсаң аңдамай жатады. Тіпті, тікелей айтсаң да түк естімегендей болады. Былтыр Ауғантай бауырым "Хәйләйлімді" өз студияда эстрадаға салып, әрлеп берген болатын. Әні халықтықы, "Хәйләйлім" деп алғаш айтысқа алып шыққан Жандарбектің әкесі Айтақын ағам. Кейін айтыстағы хит мақамдардың біріне айналды.Айтыста айтылмай қалған сөзімізді, қоғамдағы түйткілді мәселелерге, жағымсыз жаңалықтарға қатысты пікірімізді, немесе елімізде орын алып жатқан масқараларға осылай сын айтып, ай сайын эфирге шығып тұрсақ қалай қарайсыздар?», - деп жазды айтыскер.
Сондай-ақ, Балғынбек «Хәйләйлім» деген топ құруға пейілді сияқты. Трио құрамы Айтақын БҰЛҒАҚОВ, Жандарбек БҰЛҒАҚОВ және Балғынбек ИМАШ.
«Хәйләйлім деген топ құрып алсақ па екен? Әні өзгермейтін, сөздері ғана жаңарып тұратын? Аты аңызға айналған АБК деген (Арынбаев, Болманов, Көкенов) топ бар еді ғой. Әлде, солар сияқты Айтақын, Балғынбек, Жандарбек деген аттардың бас әріптерін алып АБЖ деген трио құрамыз ба?», - деп жазбасын аяқтады айтыскер.
MalimBlocks
Сүйінбай мен Қатағанның айтысы (ВИДЕО)
1848 жылдың қоңыр күзінде қырғыздың бай шонжар манабы Орманхан шешесіне ас береді. Бұл жиынға аралас құралас отырған қазақтың Тезек төре, Бөлтірік шешен бастаған игі жақсылары бір қауым ел болып қатысады. Астың ақындарсыз өтпесін білген ақын жанды Тезек төре елге атағы жайылып, таныла бастаған Сүйінбай ақынды ала барады.
