Биылғы IX Қысқы Азия ойындарына Қазақстан атынан 139 спортшы сынға түседі, деп хабарлайды Malim.kz.
2025 жылдың 7-14 ақпан күндері аралығында Қытайдың Харбин қаласы мен Ябули тау шаңғысы курортында IX Қысқы Азия ойындары өтеді.
Харбин қаласы бұған дейін 1996 жылы жарыс қожайыны болған. Сол сәтте Қазақстан құрамасы алғаш рет бәсекеге қатысқан еді.
Апта бойы жалғасатын қысқы Азия ойындарында 11 спорт түрінен 64 жүлде жиынтығы сарапқа салынады.
Бұл ойындарға 34 ел қатысады деп жоспарланған. Бұл осы ойындар тарихындағы рекордқа саналып отыр.
Фото: harbin2025.com
