Белгілі Голливуд актері Стивен СИГАЛ «Справедливая Россия – За правду» партиясының мүшесі болды. Бұл туралы саяси ұйымның басшысы Сергей МИРОНОВ хабарлады дейді ЛЕНТА РУ сайты.
«Стивен Сигал жанкүйерлері арасында саяси көзқарастары түрлі адамдар көп. Сондықтан да барлық актер фанаттары біздің қатарымызға қосылады деп ойламаймыз. Табиғат анаға бейжай қарамайтын экобелсенділерді тартуды көздейміз», - деген Миронов.
Америкалық актер 27 мамыр күні «Справедливая Россия» партиясы қатарына кіруге ықыласты екенін білдірген. Енді ол саяси ұйымда экологиялық мәселелермен айналысады. Актер 2016 жылы Ресей Федерациясының азаматтығын алған. Жеке куәлікті президент Владимир ПУТИН өз қолымен тапсырған еді.
Фото: news.myseldon.com
