28 наурызда Қазақстанда халықаралық «Жер сағаты» экологиялық акциясы өтеді, деп хабарлайды Malim.kz.
Жергілікті уақыт бойынша сағат 20:30-дан 21:30-ға дейін үйлерде, кеңселерде және көшелерде шамдар бір сағатқа сөнеді. Биылғы тақырып – елдегі экотуризмді дамыту.
«Жер сағаты» акциясы Дүниежүзілік жабайы табиғат қоры (WWF) қолдауымен жыл сайын өткізіледі. Оның мақсаты – планетаның табиғаты мен ресурстарына жауапкершілікпен қарау қажеттілігіне назар аудару.
Әлемнің 180 елі мен 7 000 қаласының тұрғындары акцияға қатысады. Қазақстанда бұл шара 17-ші рет ұйымдастырылмақ. Акция барысында елдегі бірнеше символдық нысанның жарығы сөнеді, оның ішінде:
«Байтерек» монументі
«Астана Опера»
Әзірет Сұлтан мешіті
Тәуелсіздік Сарайы
«Астана Арена» стадионы
«Алау» мұз айданы
«Қазақстан» қонақ үйі
Әл-Фараби атындағы ҚазҰУ.
Қатысушылар шамдарды сөндіріп, табиғатты қорғауға өз үлестерін қоса алады.
