Қазақстандық блогер Нағима Настевич (әлеуметтік желіде Nagimuwaa, көпшілікке Нагимуша атымен танымал) әкесінің қайтыс болғанын жеткізді, деп хабарлайды Malim.kz.
Бұл туралы ол өзінің Instagram парақшасында жазба жариялап, жақындарына ауыр қазаны естіртті. Блогердің айтуынша, әкесі кеше таңертең өмірден өткен.
"Бүгін таңертең біздің әкеміздің жүрегі өздігінен тоқтап қалғанын зор күйзеліспен хабарлаймын. Әкемді қайта тірілтуге, өмірін ұзартуға бар күшін салған әрбір дәрігерге алғыс айтамын. Бізге әкеммен бірге көбірек уақыт беру үшін қолдан келгеннің бәрін жасады, бірақ тағдыр басқаша шешті", – деп жазды ол.
Нағима әкесіз үйдің бос қалғанын айтып, онымен қоштасу сөздерін де әсерлі түрде жеткізді.
Айта кетейік, бұған дейін блогер Instagram Stories арқылы әкесінің ауруханада жатқанын айтып, оқырмандарынан қолдау сұраған еді. Сол кезде ол әкесінің сауығып кететініне үміттенгенін де жасырмаған.
Желі қолданушылары мен блогердің әріптестері пікірлер бөлімінде отбасыға көңіл айтып, қайғысына ортақтасып жатыр.
"Қайғырып көңіл айтамын", "Отбасыңызға сабыр берсін", "Жатқан жері жайлы болсын" деген сияқты жылы сөздер жазылып жатыр.
