«Қазгидромет» 23 қарашаға арналған ауа райы болжамын жариялады. Синоптиктердің айтуынша, бірқатар өңірде күн райы құбылып, жауын-шашын мен тұман болады, деп хабарлайды Malim.kz.
Синоптиктердің мәліметінше, солтүстік өңірлерде және күндіз орталық Қазақстанда тұрақсыз ауа райы сақталады.
Бұл аймақтарда жаңбыр мен қар түріндегі жауын-шашын, сондай-ақ боран соғатыны болжанып отыр.
Солтүстік пен шығыста көктайғақ күтіледі.
Жолдарда мұз қату ықтималдығы жоғары болғандықтан, мамандар жүргізушілерге барынша сақ болуды ескертеді.
Қазақстанның басым бөлігінде жауын-шашынсыз ауа райы сақталады.
Алайда республиканың әртүрлі өңірлерінде тұман түсіп, көріну қашықтығы едәуір төмендеуі мүмкін.
23 қараша күні желдің екпіні солтүстікте, солтүстік-батыста, шығыста, оңтүстікте күшейеді деп күтіледі.
