Израиль шабуылынан соң Иран БҰҰ Қауіпсіздік Кеңесіне шықты
Иран әлемдік ұйымнан төтенше отырыс өткізуді сұрайды
Израиль Иранның әскери нысандарына соққы жасағаннан кейін Иран БҰҰ Қауіпсіздік Кеңесіне шығып, төтенше отырыс өткізуді сұрады, деп хабарлайды Malim.kz.
Иранның БҰҰ-дағы тұрақты өкілі Әмір Саид Ираванидің өтініші БҰҰ Қауіпсіздік Кеңесінің төрағасы (Швейцария) әрі БҰҰ Бас хатшысы Антониу Гутерришке жіберілді.
Ол өз өтінішінде Қауіпсіздік Кеңесінің төрағасынан осы маңызды заңбұзушылықты және заңсыз әрекеттерді қарау үшін шұғыл жиналыс өткізуді және бұл қылмыстық режимді жауапкершілікке тартуды сұраған.
Сондай-ақ, Иран Гутерриш пен Қауіпсіздік Кеңесін Израильді «халықаралық құқық пен БҰҰ Жарғысын өрескел бұзғаны үшін» айыптауға және осы заңбұзушылықтардың жазасыз қалмайтынын көрсетуге шақырды.
Естеріңізге сала кетейік, 26 қазанға қараған түні Израиль Иранның әскери нысандарына соққы жасаған еді. Иран президенті Масуд Пезешкиан бұл шабуылғалайықты жауап беретіндерін мәлімдеді.
Фото: pexels.com
