2025 жылғы 25 сәуір, жұма күні Ресей президенті Владимир Путин Кремльде АҚШ президентінің арнайы өкілі Стивен Уиткоффты қабылдады. Бұл туралы Ресей президентінің баспасөз хатшысы Дмитрий Песков мәлімдеді, деп хабарлайды "Интерфакс" ақпарат агенттігі.
Кездесуге сондай-ақ Ресей президентінің көмекшісі Юрий Ушаков пен Ресейдің Тікелей инвестициялар қорының (РФПИ) басшысы Кирилл Дмитриев те қатысты.
Стивен Уиткоффтың ұшағы 25 сәуір күні таңертең Мәскеудің Внуково әуежайына қонған. Бұл — 2025 жылдың ақпан айынан бері Ресей президенті мен Дональд Трамптың арнайы өкілінің төртінші кездесуі. Бұған дейін Уиткофф пен Путин Санкт-Петербург қаласында кездескен болатын. Ол жолғы келіссөздер төрт сағаттан астам уақытқа созылып, басты тақырып — Украинадағы әскери қимылдарды тоқтату мәселесі болған еді.
Фото: Kristina Kormilitsyna/AP Photo/picture alliance
Байланысты жаналықтар
MalimBlocks
