Қытай сауда соғысында АҚШ-ты жеңуге шамасы жете ме?
Қытайдың қаржы министрі Лань Фоань АҚШ-тың барлық тауарына 34 пайыздық баж салығын жариялады. Ол 10 сәуірден бастап күшіне енеді, деп хабарлайды Malim.kz.
The Wall Street Journal (WSJ) газетінің редакциялық мақаласында АҚШ енгізген сауда тарифтері әлемдік тәртіптің өзгеруіне алып келуі мүмкін екені жазылған. Мұндай жағдайда Қытай мен Америка арасындағы экономикалық текетіресте Бейжің басымдыққа ие болады.
Бұл АҚШ президенті Дональд Трамптың Қытайдың барлық өнімдеріне баж салығын енгізу туралы шешіміне берілген жауап болды. Осылайша, де-факто Бейжің Вашингтонмен сауда соғысы басталғанын мәлімдеді. Сондай-ақ арадағы қайшылықтарды келіссөздер арқылы шешуден бас тартқанын хабарлады.
WSJ авторлары қалыптасқан жағдай ҚХР төрағасы Си Цзиньпин үшін стратегиялық тұрғыдан тиімді.
Ал Қытайдың Түркиядағы елшісі Цзян Сюэбин АҚШ-ты біржақты тарифтік шараларды алып тастауға және сауда дауларын «тең құқылы кеңес» арқылы шешуге шақырады.
Tasnim басылымының жазуынша, дипломат АҚШ-тың протекционистік шараларын айыптап, Қытай өз мүдделерін тиісті тәсілдермен қорғауға дайын екенін мәлімдеді. Ол Қытаймен қарым-қатынастағы қысым мен қатерлердің қолайсыздығын атап өтіп, сауда дауларын шешу үшін тең құқылы диалогқа шақырды.
Қытай мұндай әрекеттерге қатаң қарсы және өз құқықтары мен мүдделерін қорғау үшін жауап шара қабылдауға дайын. Тариф және сауда соғысы тарихи үрдістер мен экономикалық қағидаттарға қайшы келеді және онда жеңімпаздар болмайды, - деп атап өтті Цзян Сюэбин.
Елшінің үндеуі Вашингтон жариялаған жаңа ауқымды баж салықтарынан туындаған нарықтағы жаһандық сатудан кейін болды.
АҚШ президенті Дональд Трамп 2025 жылғы 2 сәуірде басқа елдерден импортқа «өзара» баж салығын енгізу туралы жарлыққа қол қойды.
Фото: asiaplustj.info
Самое читаемое
