Саха Республикасы авиақорғау қызметінің жедел деректері бойынша республика аумағында 132 табиғи өрт болып жатыр. Олардың жалпы аумағы 1 млн гектардан асқан, деп хабарлайды Malim.kz.
Ресей ТЖМ Саха Республикасындағы Бас басқармасының мәлімдеуінше, өткен тәулікте 23 мың гектардан астам аумақта 6 өрт жойылып, 15 мың гектардан астам аумақта 3 өрт оқшауланған. Сөндіруге барлығы 1 960 адам мен 222 техника тартылған.
Якутия аумағында 27 шілдеде алынған 77 атмосфералық сынаманың бесеуінде химиялық заттардың шамадан тыс артып кеткені анықталған.
Ресей Дағдарыс жағдайындағы ұлттық басқару орталығының мәліметінше, өрт салдарынан 52 елдімекенді түтін басып қалған.
Фото: Ресей ТЖМ
Байланысты жаналықтар
MalimBlocks
