«Әкімдіктің кесірінен екі күн қамауда отырдық»

Malim Админ

  • 06.05.2020

Коронавируспен күресіп жатқан Ақтөбе билігінің екі күн бойы көп қабатты тұрғын үйдің бір кіреберісін  шатасып карантинге жауып тастағаны әшкере болды.  Жауаптылар қателеслескендерін мойындап отыр. Сөздерінше 29 сәуір мен 1мамыр аралығында бірден тіркелген  75 жағдай  есеңгіретіп тастапты. Сондықтан жедел жәрдем қызметі  жергілікті полицияға  қате ақпарат берген. Алайда екі күн бойы жазықсыз қамалдық деген тұрғындар әлі күнге ешкімнің келіп мән жайды түсіндірмегенін, тіпті кешірім де сұрамағанына наразы.

Ақтөбенің   «Батыс 2» ықшам ауданында орналасқан  9-шы үйдің 6-шы подьезінен коронавиурс анықтадық деп қателесіп екі күнге жауып тастаған.  Тұрғындардың сөзінше оларға ешкім жағдайды түсіндірмеген. Тіпті қай пәтерден коронавирустың анықталғанын да айтпаған. Ең сорақысы коронавирус шыққан  нақты мекен жайды білмеген полицейлер сол күні осы маңдағы үш бірдей үйді  қоршауға алған. Тек арада екі күн өткеннен кейін ғана вирус шыққан пәтер анықталды дейді.

«1-ші корпусты жапқанда мен полиция баладан сұрадым. «Маған жауап беріңіз, ауырып жатқан адам бар ма?» деп. Айтпады. Сонда өздері де білмейді деген сөз ғой. Міне 9-шы үйдің  5-ші корпусында да  сол 83-ші пәтер. Мында да 83 пәтер бар. Біз жақта бас-яғы үш 83 пәтер бар.  Өздері білмейді не істеп жүргендерін. Барлығына звондадық. Біреуі білмейді. Кім жіберді? Бұйрық берген адам жоқ. Екі күн тұрды солай. Тұрғындардың барлығы қорықты. Он минуттың ішінде бір автобус адам келді» , - дейді  екі күн бойы қамауда болған тұрғыны  Шара Қанымқұл.

Күні- түні ұйқысыз жұмыс істеп жатырмыз деген жауаптылар бұл тұрғынның сөзін жоққа шығармайды. Көп қабатты тұрғын үйдің бір кіреберісін қателесіп жапқандарын мойындап отыр. Бірақ екі күнге емес, 1-2 сағатқа ғана дейді.  Сөздерінше үш күннің ішінде бірінен соң бірі тіркелген 75 жағдай шатастырып жіберіпті.

«Сол 75 жағдай тіркелгенде 51 подъезд, 17 жеке үйлер болды. Енді оны түсінуге болады. Тіркелген  ауруларды бірінші біз жедел жәрдемге беруіміз керек. Тездетіп оқшаулау үшін. Екіншіден сол ауру шыққан үйді, пәтерді, подъезді оқшаулауымыз керек.  «Батыс 2» ықшам ауданында  алты үй болды.  Сондықтан жергілікті полиция қызметі 9-шы үйдің  3-ші корпусынан  шатасқан. Бірақ жергілікті полиция бір сағаттың ішінде шешім қабылдап,  «бәрін реттедік»  деп бізге хабар берді» - деді Ақтөбе облысы тауарлар мен көрсетілетін қызметтердің сапасы мен қауіпсіздігін бақылау департаментінің басшысы Нұрсұлу Беркімбаева.

Бүгін Ақтөбеде коронавирус жұқтырған тағы бес жағдай тіркелді. Мамандар бүгінгі науқастар бұған дейін індет анықталған полицейлермен қатынаста болған туыстары мен көршілері дейді. Жалпы Ақтөбе облысында осы күнге дейін коронавирус жұқтырған 168 жағдай тіркелді.

Жанар ҚОЖАНОВА

Фото ғаламтордан алынды.

Байланысты жаналықтар

Ақтөбе әуежайы уақытша жабылды

27.03.2024

Ақтөбеде зейнеткерлер мен мүмкіндігі шектеулі азаматтар қоғамдық көлікте тегін жүреді

15.03.2024

Ақтөбеде ер адам лифт шахтасына құлап кетті

11.03.2024

Ақтөбе облысында сегіз адамның өмірін қиған жан түршігерлік апат болды

06.03.2024

Ақтөбе тұрғындары облыс әкімі Асхат Шахаровтан көмек сұрайды

17.10.2023

Ақтөбедегі су тасқыны. Қаратал ауылында жағдай қауіпті 

17.03.2023
MalimBlocks
Ақтөбе әуежайы уақытша жабылды

Халықаралық және ішкі рейстер кейінге шегерілді.

Ақтөбеде зейнеткерлер мен мүмкіндігі шектеулі азаматтар қоғамдық көлікте тегін жүреді

Қазіргі уақытта тек екінші дүниежүзілік соғыс ардагерлері мен 1, 2 топтағы мүгедектігі бар азаматтар тегін жүреді.

Ақтөбеде ер адам лифт шахтасына құлап кетті

Ақтөбе облысында сегіз адамның өмірін қиған жан түршігерлік апат болды

Жол апатынан 8 адам қайтыс болды, оның ішінде балалар да бар.

Ақтөбе тұрғындары облыс әкімі Асхат Шахаровтан көмек сұрайды

Ақтөбе облысы Байғанин ауданы Алтай батыр ауылының тұрғындары не ауыз суға, не дені дұрыс жолға жарымай отырғандарына бірнеше жыл болған. Бұл ауылға "Ақбұлақ" бағдарламасы бойынша ауыз су тартылғанына екі жылдан асса да, әлі күнге дейін пайдалануға берілмеген. Тұрғындар аудан әкімінің шығарып салма жауабынан шаршағандарын айтады. Төзімі түгесілген ауыл халқы Ақтөбе облысының әкімі Асхат Шахаровқтан көмек сұрап отыр.

Ақтөбедегі су тасқыны. Қаратал ауылында жағдай қауіпті 

Тасқын су бөгетті бұзып өткен