Асанәлі Әшімов: Көшеде топтасқан адам көрсек үрейленетін болдық

Алматыда тұратын, елге белгілі бірнеше өнер адамдары мен жазушылардын тұратын топ Алматыдағы соңғы уақыттағы жағдайларға байланысты үндеу жасапты. Үндеуді өзгертпестен, оқырмандарымыздың назарына ұсынып отырмыз.

  • 14.03.2022

Құрметті жерлестер! Алматылық жастар!

Біз, Алматы қаласының ақсақалдар қауымы қазір қоғамда боп жатқан кейбір жағдайларға қатысты аса алаңдаулымыз. Расын айту керек, күтпеген жерден  басталған «қайғылы қаңтар» оқиғасы баршамызды есеңгіретіп кетті. «Егемендік алып, еңсе тіктеу әсте-әсте, елдіктен айырылып қалу бір сәтте» екендігін көрдік. Сырттан сыналап кіріп, қоғамды іштен іріткісі келген қаскүнемдер мен қылмыскерлер тәуелсіздігіміздің тұғырын шайқап, төңкеріп тастай жаздады.

Қоғам ішінде жүріп, қарапайым тұрғындармен күнделікті кездесіп жүрміз. Сол азаматтар қазір көшеде топтасқан адамдар тобы көрінсе, үрейленіп, шошитындарын айтады. Бейбіт халық қатты қорқып қалған. Әсіресе, Алматы қаласы содырлардың сойқанынан көп зардап шекті. Қаншама ғимарат өртке оранып, сауда орындары тоналып, адам шығыны орын алды. Бүгінгі таңда қала әкімдігі сол оқиғалардың салдарын жоюға барын салып жатыр. Қираған, өртенген ғимараттар мен сауда орындарын қалпына келтіріп, шығынға батқан кәсіпкерлерді қолдап, жастарға жаңа жұмыс орындарын ашуға әрекеттенуде.

Бізге қазір осы өткен оқиғаларды дұрыстап саралап, салқын ақылмен, салиқалы сабырмен кеткен қателіктермен жұмыс жасау қажет. Ол үшін қоғамның тыныштығы мен тұрақтылығы аса маңызды.

Өкінішке қарай, кейінгі кезде, Алматымызда шерулеткен митингілер мен айқайға аттан қосқан жиындар қайтадан көбейіп кетті. Оның өзі байырқалы жиын, басалқы кеңес құру болса құба-құп. Қалың топтың ортасына кіріп алып, кейбір теріс пиғылды, арам ойлы арандатушылар ел арасына іріткі салатын ұрандар көтеріп, қоғам шаңырағын шайқап, бірлігімізді ірітуді көздегендей.

Сөз жоқ, қазақ халқының тарихында «Күлтөбенің басында күнде жиын1 жасайтын заман болды. Ел ағалары бас қосып, алқа құрып ақыл-кеңестерімен бөлісті. Бірақ, оның басты ерекшелігі – жөн сөзге тоқтайтын халық болды. Аталы сөзге құлақ асып, парықты пікірге бас иетін мінез бар еді. Бүгінгі бас қосулар керісінше даңғаза дабыр мен бейпіл сөздерге ұласып, қисық-қыңыр, қысыр қиқуларға толып кетті. Ойға алудың өзі ұят саналатын анайы сөздерді қағазға жазып, ұран қылып ұялмай көкке көтеруді сән көретін сиықсыз салт пайда болды.

Бүгінгі уақыт аумалы-төкпелі заман болып тұр. Айналымыздағы мемлекеттердің тыныштығы бір сәтте бұзылып, бейбіт тұрғындары шұбырып, мемлекеті соғыс отына оранып жатқанын көріп жатырмыз. Бізге қазір ішкі тыныштық пен мызғымас тұрақтылық ауадай қажет. Жастарды, жалпы қоғамды сабырға шақырамыз! Етек-жеңімізді жиып, қазіргі өтпелі кезеңде жұдырықтай жұмылып, ұйымшылдық танытайық. Айналамызда, ел ішінде орын алып жатқан кейбір қиыншылықтардың барлығы уақытша.  Ел Тәуелсіздігінің кепілі – татулық пен бірлікте. Еліміздің тыныштығы бұзылмасын дейміз. Біздің аталық тілегіміз, ақсақалдық ниетіміз осы. Ел ішіне кіріп, ылаң салуы көздейтін арандатушылардан сақ болайық. Қоғам болып жұмылып, біртұтас халық  болып бірігіп, Президентіміздің айналасына топтаса алсақ уақытша сынақтардың барлығын еркін еңсереміз. Еліміз аман, жұртымыз тыныш, заманымыз бейбіт болсын!

Үндеуге қол қойғандар:

1.      Асанәлі Әшімов

2.      Мұрат Әуезов

3.      Дулат Исабеков

4.      Кәдірбек Сегізбаев

5.      Смағұл Елубаев

6.      Бексұлтан Нұржекеев

7.      Сәуле Досжан

8.      Сәт Тоқпақбаев

9.      Жүрсін Ерман

10.    Темірхан Медетбек

11.    Зейнеп Ахметова

12.    Марфуға Айтхожина

13.    Аягүл Миразова

14.    Ақан Бижанов

15.    Нағашыбек Қапалбекұлы

Келісіп, қолдағандар

1.      Төрегелді Шарманов

2.      Мекемтас Мырзахметов

3.      Сәбит Оразбаев

4.      Алтынбек Қоразбаев

5.      Бибігүл Төлегенова

6.      Сейіт Қасқабасов

 

Байланысты жаналықтар

Алматыда академик Төрегелді Шармановты соңғы сапарына шығарып салды

26.05.2024

Димаш «Бешикташ» стадионындағы концертінде көзіне жас алды (ФОТО, ВИДЕО)

26.05.2024

«11 млн айыппұл». Қайрат Нұртас гүл жұлып, жұртты шулатты

23.05.2024

Түркістан облысында екі мың жыл бұрын жасалған алтын әшекейлер табылды (ВИДЕО)

23.05.2024

Аида Балаева ШЫҰ Бас хатшысы Чжан Минмен кездесті

23.05.2024

«Қай еңбегі үшін берді». Мәдениет саласының үздігі атанған Бүркіттің әйелі сынға ұшырады

23.05.2024
MalimBlocks
Алматыда академик Төрегелді Шармановты соңғы сапарына шығарып салды

Қоштасу рәсімі С.Асфендияров атындағы ҚазҰМУ-дің Конкордия театрында өтті

Димаш «Бешикташ» стадионындағы концертінде көзіне жас алды (ФОТО, ВИДЕО)

Әншіні туға күнімен құттықтауға алыс-жақын шетелден музыканттар келді

«11 млн айыппұл». Қайрат Нұртас гүл жұлып, жұртты шулатты

Желі қолданушылары әншіге ескерту жасады.

Түркістан облысында екі мың жыл бұрын жасалған алтын әшекейлер табылды (ВИДЕО)

Мамандардың айтуынша, тарихи жәдігерлер Қаңлы кезеңіне жатады.

Аида Балаева ШЫҰ Бас хатшысы Чжан Минмен кездесті

Биыл Тәжікстан мен Түрікменстандағы Қазақстанның мәдениет күндері аясында бірқатар іс-шара жоспарлануда.

«Қай еңбегі үшін берді». Мәдениет саласының үздігі атанған Бүркіттің әйелі сынға ұшырады

Көпшілік әншінің мұндай төсбелгі алғанына қарсылық білдірді.