«Димаштан бұрын бастадық». Әнші Роза Әлқожа су тасыған аймақтарға сапарға шыққан кезін айтты
Өнер иесі су тасыған өңірлерге гастрольдік сапармен барған.
Әнші, сазгер Роза Әлқожа «Оян» таңғы бағдарламасына берген сұхбатында су тасқыны кезінде қандай шешім қабылдағанын айтты, деп хабарлайды Malim.kz.
Әнші Роза Әлқожа еліміздің бірнеше облысын су басқан уақытта өнер адамдарының басын қосып, гуманитарлық көмек дайындауға ат салысқан. Өнер иесі су тасқыны басталған кезде алғаш болып гастрольдік сапарға шыққанын да атап өтті.
Елдің бәрі Димаштан кейін бастады деп айтып жатыр ғой. Жоқ, біз Димаштан бұрын бастадық, – деді ол.
Ал жылу жинамас бұрын аталмыш іске ер азаматтардың бастамашы болмағанын, сондықтан тізгінді өз қолына қолына алғанын айтты.
Өнер адамдары біріге бермейді. Арқалықты су алды. Мен ер адамдар бірінші бастайды деп ойладым. Бірақ ешкім біріге қоймады. Себебі әркім әр жерден өз беріп жатты ғой, - дейді әнші.
Гуманитарлық көмекке қаржы жинау барысында өнер адамдарды қарызға алып бергенін де жасырмады.
Зейнетке шыққан апаларымыз бар. Табысы жоқ. Бірақ қарызға алып берді. Бізде 27 миллион теңге жиналды, - дейді Роза Әлқожа.
Айта кетейік, әншілер жиналған қаржылай көмекке жылжымалы үйлер сатып алған. Осылайша, өнер иелері халықты күн салқын кезде жылуды ұстап тұратын уақытша баспанамен қамтамасыз еткен еді.
Фото: Видеодан скрин
