Киберспортта ақша көп – чемпионмен сұхбат

Айшолпан КЕРІМ

  • 25.10.2021

2018 жылдың 25 маусымында елімізде киберспорт ресми түрде спорт түрі болып есепке алынды. Түрлі чемпионаттар нәтижесіне қарап, отандық спортшылар бұл спорт бойынша тамаша жетістіктерге жетіп жүргенін байқауға болады. 2021 жылдың 14 тамыз – 15 қыркүйек аралығында өткен Dota 2 Champions league 3-кезеңінде спортшыларымыз айқын есеппен жеңіске жетіп, 25 мың долларды қанжығасына байлаған. Жеңімпаз атанған V-Gaming тобының ойыншысы Дархан Мадыханмен сөйлесіп көрдік.

Жай компьютерді жақсы көрдім

Негізі киберспортшы болсам, чемпион атансам деп армандаған емеспін, бәрі күтпеген жерден басталды. Бала кезден компьютерді жақсы көрдім, Dota (ойын атауы – ред.) ойнағанды ұнататынмын. Мұны білетін досым бір команда атынан ойнап көруді ұсынды. Осылайша 2016 жылдан бастап киберспорттамын. Жақсысы – досымның ұсынысы колледж түлегі атанған күндеріммен тұспа-тұс келді. Әйтпесе, өзім қарағандылықпын, бізде жалғыз жұмыс орны – зауыт, басқа барар жер жоқ.

Қазір V-Gaming командасындамын, топ осыдан бір жыл бұрын жасақталды. Менеджер шақыртуымен келдім.

Киберспортта ақша көп

Бұл спорт түрінің елімізде жаңа деңгейге көтеріліп жатқаны қуантады. Енді федерация көбірек турнирлар ұйымдастырса деген тілек бар. Негізі киберспортта ақша көп, табыс жақсы. Бірақ, әрине, ел ойлағандай компьютерді құшақтап отырып таба салатын оңай табыс емес. Үздіксіз жаттығу жасау өте маңызды. Өз басым биыл осы спорттан  шамамен 3 млн теңге таптым.

Бір жылда біздің ойын түрінен  шамамен 5-6 турнир өткізіледі, жүлде қоры 200 мың доллардан басталады. Жақында ТМД елдері командасы жылдың басты турнирінде жеңіске жетіп, 40 миллион доллар ұтып алды. Осыдан кейін қалай киберспортта табыс жоқ, бұл спорттың болашағы жоқ деп айтасың?..

Қазір ТМД елдері командалары арасында ТОП саналатын, келесі турнир жүлдесінен үміткер бестік мынадай: Virtus pro, Navi, Team Spirit, Gambit және V-Gaming.

Бір турнирге бір ай дайындаламыз

Аса маңызды турнир алдында командамен жиналып, бір ай бойы бірге тұрамыз. Бұл – топ бір-бірін танып, түсінісіп, жақсы ойнап шығуға әсер етеді. Одан бөлек топ онлайн режимде, әр ойыншы әр жақта отырар болса, жеңіліс ықтималы жоғары. Басты кедергі – елдегі интернет. Жалпы киберспорттағы ең керектісі – желінің жақсы жұмыс істеуі. Сол себепті алдын-ала екі апта – бір айға жиналып жатамыз. Осындай олқылықтар болып жатса, командаласың жаныңда отырса қолдау көрсету де оңай.

Турнир болмаған күннің өзінде күніне 12-15 сағат компьютер алдында отырамын. Себебі қазір жалғыз ермек пен табыс көзім – осы сала. Бірақ осынша сағат бойы қозғалмастан, ойын ойнаймын деген сөз емес. Аз-аздан, демала-демала айналысқан жөн. Оның үстіне біздің режимге, ойнайтын уақытымызға турнир ұйымдастырушы елдердің сағат айырмашылығы да әсер етеді.

Ата-анам табыс табуға болатынын көріп, батасын берді

Күн-түн демей компьютерге телміріп отырғанымды ата-анам қатты ұнатпайтын. Бірақ бала кезден ойнап жүрмін, ол кісілер қатты сөгіп, тыйым салып көрген емес. Кей ата-аналар үйдегі компьютерлерді шығарып, жарықты өшіріп тастап жатады ғой, бізде ондай болған емес. Ары кетсе, «Сабағыңды істе, кейін қалағаныңша ойна» дейтін. Әрине киберспортпен кәсіби түрде айналыса бастаған кезде, мұның нан әкелетін іс екеніне күмәндана қарағандары рас, оған ренжи де алмайсың, орынды. Бірақ кейін бұлай да табыс табуға болатынын көріп, баталарын берді.

Бірақ бірдеңе алғың келсе, басқа нәрсеңді беруге дайын болу керек екен. Негізі анау айтқандай шағымым жоқ, бірақ соңғы кездері бір көзім сәл әлсіреп жүр, осы шаруаны қолға алу керек. Бірақ жоғарыда аталған нәрсенің ешқайсысы қорқынышты емес, киберспортта керегі – сабырлылық пен үздіксіз практика. Сондықтан жастарға осы бағытқа қарай бет бұруға кеңес беремін, еліміз үшін перспективалы спорт, 16 жасында әлем чемпионы атанып жатқандар бар. Ал киберойынмен 27 жастан өте қош айтысып жатады. Олай есептер болсақ, менің екі жылым қалды. Сол екі жыл ішінде өзім үшін, ел спорты дамуы үшін чемпиондыққа дайындаламын.

Кейіпкеріміз айтқандай, елімізде киберспорт немесе «электронды спорт» атауымен танымал жаңа бағыт қарқынды дамып келеді. 2017 жылы елдегі киберспортты дамыту және кеңінен насихаттау үшін Qazaq Cybersport Federation үкіметтік емес ұйымы құрылған болатын. 2018 жылы Қазақстанда киберспорт спорттық пән ретінде ресми мойындалуымен қатар, QCF елдің Мәдениет және спорт министрлігінде аккредитациядан өтті, ал өткен жылы ол Қазақстан Республикасы Ұлттық Олимпиада комитетінің тану туралы сертификатын иеленген еді.

Осы екі құжат қабылданған аралықта Федерация Pinger Pro ұлттық кибер платформасын қалыптастырды,  осы жерде 2018 жылдың қыркүйегінен бастап 2020 жылдың қазанына дейін 17 кибер пәндері бойынша 140-тан астам турнир өткізілді. Бұл жарыстарға Alaman Cup, Altel Cyber ​​Games, Gorilla Esports, Kazakhstan Esports Student League (KESL, Қазақстанның кибер студенттер лигасы) турнирлер сериясына 7 900 команда мен 40 мың адам қатысты.  

Соңғы деректерге сәйкес, жастар арасында бұл спорт түріне қызығушылық күннен-күнге артуда. Ұлттық турнирлер өткізілетін Pinger Pro сайты қолданушыларының саны 2019-2021 жылдар аралығында  13,2 мыңнан 142,5 мыңға артып, он есеге өскен.

Байланысты жаналықтар

Алматыда академик Төрегелді Шармановты соңғы сапарына шығарып салды

26.05.2024

Димаш «Бешикташ» стадионындағы концертінде көзіне жас алды (ФОТО, ВИДЕО)

26.05.2024

«11 млн айыппұл». Қайрат Нұртас гүл жұлып, жұртты шулатты

23.05.2024

Түркістан облысында екі мың жыл бұрын жасалған алтын әшекейлер табылды (ВИДЕО)

23.05.2024

Аида Балаева ШЫҰ Бас хатшысы Чжан Минмен кездесті

23.05.2024

«Қай еңбегі үшін берді». Мәдениет саласының үздігі атанған Бүркіттің әйелі сынға ұшырады

23.05.2024
MalimBlocks
Алматыда академик Төрегелді Шармановты соңғы сапарына шығарып салды

Қоштасу рәсімі С.Асфендияров атындағы ҚазҰМУ-дің Конкордия театрында өтті

Димаш «Бешикташ» стадионындағы концертінде көзіне жас алды (ФОТО, ВИДЕО)

Әншіні туға күнімен құттықтауға алыс-жақын шетелден музыканттар келді

«11 млн айыппұл». Қайрат Нұртас гүл жұлып, жұртты шулатты

Желі қолданушылары әншіге ескерту жасады.

Түркістан облысында екі мың жыл бұрын жасалған алтын әшекейлер табылды (ВИДЕО)

Мамандардың айтуынша, тарихи жәдігерлер Қаңлы кезеңіне жатады.

Аида Балаева ШЫҰ Бас хатшысы Чжан Минмен кездесті

Биыл Тәжікстан мен Түрікменстандағы Қазақстанның мәдениет күндері аясында бірқатар іс-шара жоспарлануда.

«Қай еңбегі үшін берді». Мәдениет саласының үздігі атанған Бүркіттің әйелі сынға ұшырады

Көпшілік әншінің мұндай төсбелгі алғанына қарсылық білдірді.