Наурызнама күнтізбесіне сәйкес, бүгін – тазару күні. Бұл күні Қазақстанның барлық аймағында жалпыұлттық экологиялық акция өтеді.
Ал Астанада Әзірбайжан Мәмбетов атындағы мемлекеттік драма және комедия театрында А.Елгезектің «Болмаған балалық шақ» драмасы жұртшылыққа жол тартады. Сонымен қатар, «Байқоңыр» және «Сарыарқа» аудандарында қала тұрғындарының қатысуымен тазалық акциясы өткізіледі.
Сондай-ақ, «Жер сағаты» халықаралық экологиялық акциясы болады. «Тазалық эстафетасы» аясында елордада «Тазару» жалпы қалалық экологиялық акциясы өткізіледі. Акция аясында аулаларды қар мен қоқыстан тазарту жоспарланып отыр.
ФОТО: Астана әкімдігі
