Астанада 23 наурыз күні «Жер сағаты» халықаралық экологиялық акциясы өтеді. Акция сағат 20:30-дан 21.30-ға дейін жалғасады.
«Астаналықтарды ғаламшардың болашағына бей-жай қарамай, осы уақытта жарық пен тұрмыстық электр құралдарын өшіріп, маңызды акцияға атсалысуға шақырамыз», - деп жазды қала әкімдігінің ресми сайты.
«Жер сағаты» – дүниежүзілік жабайы табиғат қорының (WWF) қамқорлығымен жыл сайын халықаралық деңгейде ұйымдастырылатын акция. Оған әлем бойынша 2 млрд-тан астам адам қатысады. Акцияның мақсаты – ғаламшар мен оның ресурстарына жауапкершілікпен қарауға шақыру.
Фото: ашық дереккөзден
