Оңтүстік өңіріндегі білікті дәрігер
Оңтүстік өңіріндегі білікті дәрігер
Ақ желеңді абзал жандардың ел үшін атқарып жатқан еңбектері ерен екенін білеміз. Осы орайда, білікті дәрігер Югай Констаниннің есімі онкология саласына жақсы таныс. Білікті маманның қолынан қатерлі ісікке шалдыққан мыңдаған науқастар шипа тапты.
Константин Югай- оңтүстік өңіріндегі білікті онкогинеколог. Жиырма жылдан бері денсаулық сақтау саласында қызмет етіп келе жатқан білікті маман қатерлі ісікке шалдыққан әйелдерге ота жасап, емдеу жұмыстарын жүргізеді.
Дәрігер жылына 200-ден аса әйелге онкогинекологиялық ота жасайды. Көбіне жатырдың қатерлі ісігіне шалдыққан ауыр жағдайдағы әйелдерге операция жасап, ажалдан арашалап қалады. Білікті маман бүгінде қаладағы онкологиялық орталықтың онкорадиология бөлімінің меңгерушісі.
Жатырдың қатерлі және қатерсіз ісігімен орталыққа түскен әйелдерге шұғыл медициналық көмекті ұйымдастыру, ауыр жағдайдағы науқастарға ота жасауда Югайдың күнделікті міндетіне кіреді.
Халық ықыласына бөленген, ауыр науқастарды емдеу әдісіне жаңа технологияларды енгізген К. Югай еселі еңбектері еленіп, осы уақытқа дейін бірнеше рет мемлекеттік наградамен марапатталған.
Самое читаемое
