Қазақ балуандары жеті алтын алды
Алматыда өткен Азия чемпионатынан қазақ балуандары 17 медаль ұтып алды. Оның жетеуі алтын. Бұл туралы Malim.kz сайты хабарлайды.
Сәуірдің 13-ші күні басталған Азия біріншілігі кеше 18 сәуір күні аяқталды. Сары құрлықтың спортшылары 30 медальді сарапқа салды. Грек-рим, еркін және әйелдер күресінен Қазақстан құрамасы 17 жүлде жеңіп алды. Оның жетеуі алтын, бес күміс және бес қола.
Былтыр Үндістанның Нью-Дели қаласында қазақ балуандары Азия біріншілігінде бес алтын медаль иеленген болатын. Биыл екі алтынға көп алып отыр.
Сонымен Балуан Шолақ спорт сарайында 50 және 76 келі салмақта Валентина ИСЛАМОВА-БРИК пен Эльмира СЫЗДЫҚОВА жеңімпаз атанса, грек-рим күресінің шеберлері Айдос СҰЛТАНҒАЛИ (60 келі) мен Сұлтан ӘСЕТҰЛЫ (63 келі) чемпион атанды.
Әсет СЕРІКБАЕВ жаттықтыратын еркін күрес шеберлері үш алтын иеленді. Олар: Сырбаз ТАЛҒАТ, (70 келі) Нұрқожа ҚАЙПАНОВ (74келі), Олег БОЛТИН (125 келі) .
Фото: inbusiness.kz
Самое читаемое
