Бүгін Үкімет отырысында Жамбыл облысының әкімі Бердібек Сапарбаев бөлінген қаржыны қалай игеріп жатқаны туралы есеп берді. «Жол картасы» бойынша аймақтағы жұмыссыздықпен қалай күресіп жатқанын айтқан облыс басшысы жылдың аяғына дейін барлық көрсеткіштерді артығымен орындайтынын айтты.
«Жамбыл облысы 25 мың тонна сүттен, 11 мың тонна қымыздан бюджетке ақша түсірді. Ең бастысы өзін өзі жұмыспен қамтып отырғандар есепке тұрды. «Жұмыспен қамту жол картасы» бойынша 831 жоба іске асып жатыр. Үш жоба каналға байланысты. Олар келесі айда іске асады.
Бөлінген қаржы 61 млрд теңге. Осы уақытқа дейін соның 85 пайызы игерілді. Келесі айда 98 пайызын игереміз.
Сіздің берген тапсырмаңыз қазақстандық тауарларды, қазақстандық қызметтерді көбейту. Қазіргі таңда ол 90 пайызды құрайды.
Біздің өңірде 87 білім объектілері салынып жатыр. Ол 2 мыңнан астам жұмыс орнын береді. Коммуналдық салада 179 нысан, ол ең кем дегенде 8000 жұмыс орнын береді, денсаулық сақтау, мәдениет, спорт салаларында 54 нысан салынып жатыр, ол кемінде мыңнан астам жұмыс орнын береді. Ең бастысы жолы жөнделмеген, газ тартылмаған ауылдарға инфрақұрылым жүргізіледі. Ол 5 мыңнан астам жұмыс орында қамтиды.
Жалпы «Жұмыспен қамту жол картасы» бойынша 18 мың жұмыс орны ашылды. Өңірдегі жұмыссыздардың саны 4,8 пайыздан асқан жоқ.
Жылдың аяғына дейін барлық көрсеткіштерді артығымен орындау, сапалы жасау – біздің мақсатымыз», – деді Бердібек Мәшбекұлы.
Құдды өткен ғасырда көрсеткіштерді жылдан жылға артығымен орындап жатқан науқаншылар секілді. Белгіленген меже бар. Содан түсуге болмайды. Рас өтірігін ажыратып жатқан кім бар. Әкімдердің есебін тыңдасаңыз - бәрі жақсы. Өсіп жатыр, байып жатыр. Елге барсаңыз - баяғы жартас сол жартас.
MalimBlocks
