Астана әкімдігі көшелердің бір бөлігінде жаңбыр суын кетіруге 2,7 млрд теңгеден астам қаржы жұмсамақ
Конкурсқа қатысуға өтінімдерді алдын ала қабылдау 24 маусымда басталып, 9 шілдеге дейін жалғасады.
![](/images/article-img/1600/22633-1718593252-m.jpg)
Астана көшелерінің бір бөлігіндегі нөсерлі канализацияға 2,7 млрд теңгеден астам қаржы жұмсамақ, деп хабарлайды Malim.kz.
Бұл туралы ҚазТАГ жазды.
Тапсырыс беруші – «Астана қаласының Коммуналдық шаруашылық басқармасы» мемлекеттік мекемесі; атауы – кәріз жүйелерін/су тазарту құрылыстарын/сорғы станцияларын салу (құрылысы) бойынша жұмыстар; қосымша сипаттама – мердігерлік жұмыс «Астана қаласының нөсерлі кәріз жүйесін дамыту. Астана қаласындағы Момышұлы даңғылынан Тәшенова көшесіне дейінгі учаскеде Тәуелсіздік даңғылы бойындағы нөсерлі кәріз коллекторын қайта құру» (2-бөлім); жоспарланған сома 2 721 905 920 теңге, - делінген мемлекеттік сатып алу порталында жарияланған лоттың сипаттамасында.
Конкурсқа қатысуға өтінімдерді алдын ала қабылдау 24 маусымда басталып, 9 шілдеге дейін жалғасады.
Еске салсақ, Астанада жаңбыр жауса болды, қала көшелері суға толып, көліктер «жүзіп» жүретінін жазған болатынбыз.
Фото: Өркен Жоямерген