Fitch Ratings еліміздің кредиттік рейтингін «BBB» деңгейінде бағалады
Оған валюталық резерв пен мемлекеттік борыштың төмендігі ықпал еткен
Fitch Ratings халықаралық рейтинг агенттігі Қазақстан Республикасының тәуелсіз кредиттік рейтингін «BBB» деңгейінде екенін растады, болжам «Тұрақты», деп хабарлайды Malim.kz.
Ұлттық экономика министрлігінің хабарлауынша, Қазақстан рейтингін қолдайтын іргелі факторлардың қатарында елеулі сыртқы буферлер, шетел валютасындағы резервтер, тұрақты фискалдық позиция мемлекеттік борыштың төмен деңгейі, сондай-ақ, сыртқы тәуекелдерге орташа ұшырау атап өтіледі.
Fitch Ratings сарапшылары валюталық резервтердің одан әрі нығаюын, сондай-ақ, импорттың қалыпты өсуі және мұнай өндіру мен экспорт көлемінің ұлғаюы аясында ағымдағы шот тапшылығының қысқаруын болжайды.
Fitch пікірінше, бюджет шығыстарының өсуін шектейтін жаңа фискалдық ережелер және ҚР Ұлттық қорынан кепілдендірілген трансферттер салық-бюджет саясатын нығайтуға тиіс.
Сондай-ақ, Fitch қайталама санкциялар салудың және олардың ҚР экономикасына ықпалының салыстырмалы түрде төмен тәуекелдерін атап өтеді.
Фото: Ұлттық экономика министрлігі
MalimBlocks
