Қазақстан орташа жалақы көлемінен Ресейден озып тұр
Дегенмен Балтық жағалауы елдерінен әлдеқайда арттамыз
Numbeo мәліметі бойынша, Қазақстан әлемдік жалақы рейтингінде 281 100 теңге көлеміндегі орташа жалақымен 67-орында тұр. Бұл салықты алып тастағандағы көрсеткіш, деп хабарлайды Malim.kz.
KazService телеграм-арнасының жазуынша, Қазақстан Ресейден жоғары тұр. Көрші ел болса 260 460 теңге 71-орынға жайғасқан. Ал Беларусь 276 926 теңгемен 68-орында.
Дегенмен, бұрынғы Кеңес Одағы республикаларының арасында Балтық елдерінен әлі де айтарлықтай айырмашылық бар.
Мәселен, Эстония әлемдік рейтингте 32-орында, орташа жалақысы 799 132 теңге. Литва 36-орында, орташа жалақысы – 696 266 теңге. Ал Латвия – 609 657 теңгемен 40-орында тұр.
Тізімнің төменгі жағында Өзбекстан (73-орын, 240 724 теңге), Әзірбайжан (74-орын, 236 714 теңге) және Украина (76-орын, 224 721 теңге) орналасқан.
Фото: Malim.kz
Байланысты жаналықтар
MalimBlocks
